CNA
കൊച്ചി:
സെന്ന ഹെഗ്ഡെ സംവിധാനം ചെയ്യുന്ന പുതിയ മലയാളം ചിത്രമായ '1744 വൈറ്റ് ആള്ട്ടോ'യുടെ രസകരമായ ടീസര് പുറത്തിറങ്ങി.
'തിങ്കളാഴ്ച നിശ്ചയം' എന്ന ചിത്രത്തിന് ശേഷം മലയാളത്തില് സെന്ന ഹെഗ്ഡെ സംവിധാനം ചെയ്യുന്ന രണ്ടാമത്തെ ചിത്രം '1744 വൈറ്റ് ആള്ട്ടോ'.
കാഞ്ഞങ്ങാട് പശ്ചാത്തലത്തില് വളരെ വ്യത്യസ്തമായ ഒരു കഥയായിരിക്കും ചിത്രം പറയുന്നതെന്ന് ടീസര് സൂചിപ്പിക്കുന്നു.
കബിനി ഫിലിംസിന്റെ ബാനറില് മൃണാള് മുകുന്ദന്, ശ്രീജിത്ത് നായര്, വിനോദ് ദിവാകര് എന്നിവര് ചേര്ന്നാണ് ഈ സിനിമ നിര്മ്മിക്കുന്നത്.
ഡ്രീം ബിഗ് ഫിലിംസാണ് ചിത്രം വിതരണം ചെയ്യുന്നത്. ജനപ്രിയ മ്യൂസിക് ലേബലായ തിങ്ക് മ്യൂസിക്കാണ് ചിത്രത്തിന്റെ സംഗീത അവകാശം സ്വന്തമാക്കിയത്.
നര്മവും രസകരമായ കഥാപശ്ചാത്തലവും നിറഞ്ഞ '1744 വൈറ്റ് ആള്ട്ടോ'യുടെ ടീസറിന് പ്രേക്ഷകരില്നിന്നും മികച്ച പ്രതികരണമാണ് ലഭിക്കുന്നത്.
ദേശീയ അവാര്ഡ് നേടിയ 'തിങ്കളാഴ്ച നിശ്ചയം' എന്ന ചിത്രത്തിന് ശേഷം സെന്നയുടെ അടുത്ത ചിത്രത്തിനായി സിനിമാ ആസ്വാദകര് ആകാംക്ഷയോടെ കാത്തിരിക്കുകയായിരുന്നു. മികച്ച സംവിധായകനുള്ള ഫിലിംഫെയര് അവാര്ഡും, മികച്ച കഥയ്ക്കുള്ള സംസ്ഥാന അവാര്ഡും 'തിങ്കളാഴ്ച നിശ്ചയത്തിലൂടെ സെന്ന കരസ്ഥമാക്കിയിരുന്നു.
'1744 വൈറ്റ് ആള്ട്ടോ'യില് ഷറഫുദ്ദീനെ കൂടാതെ വിന്സി അലോഷ്യസ്, രാജേഷ് മാധവന്, നവാസ് വള്ളിക്കുന്ന്, ആര്യ സലിം, ആനന്ദ് മന്മഥന്, സജിന് ചെറുകയില്, ആര്ജെ നില്ജ, രഞ്ജി കാങ്കോല് തുടങ്ങിയ ഒട്ടനവധി പ്രതിഭകള് അഭിനയിക്കുന്നുണ്ട്.
ഛായാഗ്രഹണം നിര്വ്വഹിച്ച ശ്രീരാജ് രവീന്ദ്രന് തിരക്കഥയിലും സെന്ന ഹെഗ്ഡെക്കൊപ്പം പങ്കാളിയാണ്. അര്ജ്ജുനനും തിരക്കഥയില് ഒപ്പം പ്രവര്ത്തിച്ചിട്ടുണ്ട്.
ചിത്രസംയോജനം- ഹരിലാല് കെ രാജീവ്, സംഗീതം- മുജീബ് മജീദ്, വസ്ത്രാലങ്കാരം- മെല്വി ജെ, മേക്കപ്പ്- രഞ്ജിത്ത് മണലിപ്പറമ്പില്, എക്സിക്യൂട്ടീവ് പ്രൊഡ്യൂസര്- അമ്പിളി പെരുമ്പാവൂര്, സൗണ്ട് ഡിസൈനര്- നിക്സണ് ജോര്ജ്ജ്, പ്രൊഡക്ഷന് ഡിസൈന്- ഉല്ലാസ് ഹൈദൂര്, കലാസംവിധാനം- വിനോദ് പട്ടണക്കാടന്, ഡിഐ കളറിസ്റ്റ്- അവിനാഷ് ശുക്ല, വിഎഫ്എക്സ്- എഗ്വൈറ്റ് വിഎഫ്എക്സ്, സിങ്ക് സൗണ്ട്- ആദര്ശ് ജോസഫ്, ചീഫ് അസോസിയേറ്റ് ഡയറക്ടര്- സുധീഷ് ഗോപിനാഥ്, ചീഫ് അസോസിയേറ്റ് ഛായാഗ്രാഹകന്- രമേഷ് മാത്യൂസ്.
ശങ്കര് ലോഹിതാക്ഷന്, അജിത് ചന്ദ്ര, അര്ജുനന് എന്നിവരാണ് അസോസിയേറ്റ് ഡയറക്ടര്മാര്, രോഹിത് കൃഷ്ണ സ്റ്റില് ഫോട്ടോഗ്രാഫറുമാണ്. പബ്ലിസിറ്റി നിര്വ്വഹിക്കുന്നത് സര്ക്കാസനം. പിആര്ഒ- ശബരി. മാര്ക്കറ്റിംഗ് ആന്ഡ് കമ്മ്യൂണിക്കേഷന്- സംഗീത ജനചന്ദ്രന്. ചിത്രം നവംബറില് തീയേറ്ററുകളിലെത്തും.
Online PR - CinemaNewsAgency.Com