സി എന്‍ എ-
തിരു:
രാജ്യാന്തര ചലച്ചിത്രമേളയില്‍ അഞ്ച് മല്‍സര ചിത്രങ്ങള്‍ അടക്കം ഇന്ന് (വ്യാഴം) പ്രദര്‍ശിപ്പിക്കുന്നത് 24 ചിത്രങ്ങള്‍.
വിയറ്റ്‌നാം ചിത്രമായ 'റോം', അസര്‍ബൈജാന്‍ ചിത്രം 'ബിലേസ്വര്‍', ആന്‍ഡ്രെ മാറ്റിനസ് ചിത്രം 'ബേഡ് വാച്ചിങ്', ബ്രസീലിയന്‍ ചിത്രം 'മെമ്മറി ഹൗസ്', മോഹിത് പ്രിയദര്‍ശിയുടെ 'കോസ' എന്നീ ചിത്രങ്ങളാണ് മത്സര വിഭാഗത്തില്‍ പ്രദര്‍ശിപ്പിക്കുന്നത്. ലിജോ ജോസ് പെല്ലിശേരിയുടെ റിലീസ് ചിത്രം 'ചുരുളി'യുടെ ആദ്യ പ്രദര്‍ശനവും ഇന്നുണ്ടാകും. ടാഗോറില്‍ ഉച്ചകഴിഞ്ഞു 2.45 നാണ് പ്രദര്‍ശനം.
ലോക സിനിമാ വിഭാഗത്തില്‍ 'ദി വേസ്റ്റ് ലാന്‍ഡ്', 'ദി വുമണ്‍ ഹു റാന്‍', 'ഡിയര്‍ കോമ്രേഡ്‌സ്', 'നോ വെയര്‍ സ്‌പെഷ്യല്‍', '9', '75', തുടങ്ങിയ ഒന്‍പതു ചിത്രങ്ങളും ഇന്ത്യന്‍ സിനിമാ ഇന്ന് വിഭാഗത്തില്‍ '12 ഃ 12 അണ്‍ ടൈറ്റില്‍ഡ്', 'ഗോഡ് ഓണ്‍ ദി ബാല്‍ക്കണി' എന്നീ ചിത്രങ്ങളും പ്രദര്‍ശിപ്പിക്കും.
മാജിക്കല്‍ റിയലിസത്തിലൂടെ ഋതുക്കള്‍ ചിത്രീകരിക്കുന്ന കിം കി ഡുക്കിന്റെ 'സ്പ്രിങ്, സമ്മര്‍, ഫാള്‍, വിന്റര്‍ ആന്‍ഡ് സ്പ്രിഗ്', ഛായാഗ്രാഹകന്‍ രാമചന്ദ്ര ബാബുവിന് ആദരം അര്‍പ്പിക്കുന്ന 'അഗ്രഹാരത്തില്‍ കഴുതൈ' എന്നീ ചിത്രങ്ങളുടെ പ്രദര്‍ശനവും ഇന്നുണ്ടാകും.
നള തിയേറ്ററില്‍ വൈകിട്ട് 4.30 നാണ് പ്രദര്‍ശനം. കാലിഡോസ്‌കോപ്പ് വിഭാഗത്തില്‍ 'കാന്‍ നീതര്‍ ബി ഹിയര്‍ നോര്‍ ജേര്‍ണി ബിയോണ്ട് ആണ് പ്രദര്‍ശിപ്പിക്കുക.
