സി എന്‍ എ-
പാലക്കാട്:
ചലച്ചിത്ര മേഖലയില്‍ ശക്തമായ സ്ത്രീ സാന്നിധ്യം അനിവാര്യമെന്നും സ്ത്രീകളുടെ പ്രതികരണങ്ങള്‍ക്കും അഭിപ്രായങ്ങള്‍ക്കും സിനിമാ രംഗത്ത് കൂടുതല്‍ ഇടം നല്‍കണമെന്നും ഓപ്പണ്‍ ഫോറം.
ചലച്ചിത്ര രംഗത്തു നിരവധി സ്ത്രീകള്‍ പ്രവര്‍ത്തിക്കുന്നുണ്ട്. പക്ഷെ ചുരുക്കം പേര്‍ക്കൊഴികെ പ്രവൃത്തി സ്വാതന്ത്ര്യം ലഭ്യമല്ലെന്നും സജിതാ മഠത്തില്‍ പറഞ്ഞു.
പുരുഷാധിപത്യത്തിനു കീഴില്‍ ജോലിചെയ്യേണ്ടവരായി സ്ത്രീകള്‍ മാറുകയാണ്. സ്ത്രീ പ്രാധിനിത്യം വര്‍ധിച്ചിട്ടും ഈ രീതിയില്‍ മാറ്റമുണ്ടായിട്ടില്ലെന്നും ഡോ. അനു പാപ്പച്ചന്‍ പറഞ്ഞു.
സ്ത്രീ ശബ്ദങ്ങള്‍ക്കും സിനിമാ രംഗത്ത് ഇടമുണ്ടാകണമെന്നും ആവിഷ്‌കാര സ്വാതന്ത്ര്യം അനിവാര്യമാണെന്നും ഡോ. സംഗീത ചേന്നാമ്പുള്ളി പറഞ്ഞു.
ചലച്ചിത്ര അക്കാദമി വൈസ് ചെയര്‍പേഴ്‌സണ്‍ ബീനാ പോള്‍, ഡോ. മുഹമ്മദ് റാഫി, ഡോ. മേഘാ രാധാകൃഷ്ണന്‍ അനഘ കോമളന്‍കുട്ടി തുടങ്ങിയവര്‍ പങ്കെടുത്തു.
