സി എന്‍ എ-
തിരു:
1. ഓണ്‍ലൈന്‍ രജിസ്‌ട്രേഷന്‍ 2021 ജനുവരി 30ന് ആരംഭിക്കും. പൂര്‍ണമായും കോവിഡ്മാനദണ്ഡങ്ങള്‍ പാലിച്ചുകൊണ്ട് തിരുവനന്തപുരത്ത് ഫെബ്രുവരി 10 മുതല്‍ 14 വരെയും കൊച്ചിയില്‍ ഫെബ്രുവരി 17 മുതല്‍ 21 വരെയും തലശ്ശേരിയില്‍ ഫെബ്രുവരി 23 മുതല്‍ 27 വരെയും പാലക്കാട് മാര്‍ച്ച് 1 മുതല്‍ 5 വരെയും ആണ് മേള നടക്കുന്നത്.
2. ജനുവരി 30 മുതല്‍ ആണ് മേള നടക്കുന്ന നാല്‌മേഖലകളിലേയും (തിരുവനന്തപുരം, എറണാകുളം, കണ്ണൂര്‍, പാലക്കാട്) ഓണ്‍ലൈന്‍ രജിസ്‌ട്രേഷന്‍ ആരംഭിക്കുന്നത്.
3. റിപ്പോര്‍ട്ട് ചെയ്യാനെത്തുന്ന മാധ്യമ പ്രവര്‍ത്തകരും വ്യക്തിപരമായി പണമടച്ചു റജിസ്റ്റര്‍ ചെയ്യുന്ന മാധ്യമ പ്രവര്‍ത്തകരും മേള തുടങ്ങുന്നതിനു 48 മണിക്കൂര്‍ മുന്‍പ് കോവിഡ് ടെസ്റ്റിന് വിധേയരാകേണ്ടതാണ്. കോവിഡ് നെഗറ്റീവ് സര്‍ട്ടിഫിക്കറ്റ് ഹാജരാക്കാത്തവര്‍ക്കു പാസ് വിതരണം നടത്തുന്നതല്ല.
4. ഓരോ പ്രദേശത്തെയും നിശ്ചിത ശതമാനം പാസുകള്‍ ആണ് മീഡിയക്കായി മാറ്റിവെച്ചിട്ടുള്ളത്.
5. ചലച്ചിത്രമേള റിപ്പോര്‍ട്ട് ചെയ്യാന്‍ സ്ഥാപനം നിയോഗിക്കുന്ന മാധ്യമ പ്രവര്‍ത്തകര്‍ക്കും പണമടച്ചു മീഡിയ വിഭാഗത്തില്‍ രജിസ്റ്റര്‍ ചെയ്യുന്നവര്‍ക്കും ഫോട്ടോ പതിച്ച ഐ ഡി കാര്‍ഡുകളാവും നല്‍കുന്നത്. ആയതിനാല്‍ മതിയായ രേഖകളോടെ വേണം അപേക്ഷിക്കേണ്ടത്.
6. ഡ്യൂട്ടി പാസിന് ഫീസ് ഈടാക്കുന്നതല്ല. എന്നാല്‍ ബ്യുറോ മേധാവികള്‍ ലെറ്റര്‍ പാഡില്‍ ജില്ലാ ഇന്‍ഫര്‍മേഷന്‍ ഓഫീസില്‍ നല്‍കുന്ന പേര് വിവരം അനുസരിച്ചു മാത്രമേ ഓരോ സ്ഥാപനത്തിനും അനുവദിക്കപ്പെട്ട പാസുകള്‍ നല്‍കുകയുള്ളൂ. ലിസ്റ്റില്‍ പറയുന്നവര്‍ നിശ്ചിത തീയതിക്കുള്ളില്‍ ഓണ്‍ലൈനായി അപേക്ഷിച്ചിരിക്കണം.
7. https://registration.iffk.in/ എന്ന വെബ്‌സൈറ്റില്‍ മുന്‍വര്‍ഷങ്ങളില്‍ രജിസ്റ്റര്‍ ചെയ്തിട്ടുള്ള മാധ്യമ പ്രതിനിധികള്‍ക്ക് അവരുടെ ലോഗിന്‍ ഐ.ഡി ഉപയോഗിച്ചും പുതുതായി രജിസ്റ്റര്‍ ചെയ്യുന്നവര്‍ക്ക് വെബ്‌സൈറ്റിലെ മീഡിയ ഐക്കണില്‍ ക്ലിക്ക് ചെയ്തു വിവരങ്ങള്‍ പൂരിപ്പിച്ചും രജിസ്റ്റര്‍ ചെയ്യാവുന്നതാണ്.
8. പ്രൊഫൈല്‍ എഡിറ്റ് ചെയ്ത സ്ഥാപന വിലാസം മാറ്റുകയാണെങ്കില്‍ വിലാസം തെളിയിക്കുന്ന പ്രൂഫ് അപ്ലോഡ് ചെയ്യേണ്ടതാണ്. ഒരിക്കല്‍ ഒരു മേഖല തിരഞ്ഞെടുത്തുകഴിഞ്ഞാല്‍ പിന്നെ അത് മാറ്റാന്‍കഴിയില്ല. രജിസ്റ്റര്‍ ചെയ്ത വിലാസം അനുസരിച്ച് മേഖലകള്‍ തെരഞ്ഞെടുക്കാം.
9. തിയേറ്ററുകളിലേക്കുള്ള പ്രവേശനം പൂര്‍ണമായും റിസര്‍വേഷന്‍ അടിസ്ഥാനത്തിലായിരിക്കും. സീറ്റ് നമ്പര്‍ അടക്കം ഈ റിസര്‍വേഷനില്‍ ലഭിക്കും. റിസര്‍വേഷന്‍ അവസാനിച്ചതിനുശേഷം സീറ്റ് നമ്പര്‍ എസ്.എം.എസ് ആയി പ്രതിനിധികള്‍ക്ക് ലഭിക്കും.
