MM Kamath
തിരു:
അന്പത്തിയൊന്നാമത് കേരള സംസ്ഥാന ചലചിത്ര പുരസ്കാരങ്ങള് പ്രഖ്യാപിച്ചു.
'വെള്ളം' സിനിമയിലെ അഭിനയത്തിന് ജയസൂര്യ മികച്ച നടനായും 'കപ്പേള'യിലെ അഭിനയത്തിന് അന്ന ബെന് മികച്ച നടിയായും തിരഞ്ഞെടുത്തു.
മികച്ച സംവിധായകന് സിദ്ധാര്ഥ് ശിവ.
ജിയോ ബേബി സംവിധാനം ചെയ്ത 'ദ് ഗ്രേറ്റ് ഇന്ത്യന് കിച്ചന്' ആണ് മികച്ച സിനിമ.
മികച്ച ചലച്ചിത്ര ലേഖനം ജോണ് സാമുവലിന്റെ 'അടൂരിന്റെ അഞ്ച് നായക കഥാപാത്രങ്ങള്'.
നടിയും സംവിധായികയുമായി സുഹാസിനി മണിരത്നം അധ്യക്ഷയായ അന്തിമജൂറി സിനിമകള് കണ്ടുകഴിഞ്ഞു. ചിത്രങ്ങളുടെ തിരഞ്ഞെടുപ്പിന് ചലച്ചിത്ര അക്കാദമി ദ്വിതല സംവിധാനം ഏര്പ്പെടുത്തിയ ശേഷമുള്ള ആദ്യ പുരസ്കാര പ്രഖ്യാപനമാണിത്.
കോവിഡ് വരുന്നതിന് മുമ്പ് തീയറ്ററുകളിലും അതിനുശേഷം ഓണ്ലൈന് പ്ലാറ്റ് ഫോമുകളിലും പ്രേക്ഷകര് കണ്ടതും കാണാത്തതുമായ ഇരുപതിലേറെ ചിത്രങ്ങളാണ് അന്തിമജൂറിയുടെ പരിഗണനയില് വന്നത്.
എഡിറ്റര് സുരേഷ് പൈ, ഗാനരചയിതാവ് ഡോ. മധു വാസുദേവന്, നിരൂപകന് ഇ.പി. രാജഗോപാലന് എന്നിവരായിരുന്നു ശേഷാദ്രി അധ്യക്ഷനായ പ്രാഥമിക ജൂറിയിലെ അംഗങ്ങള്.
കന്നഡ സംവിധായകന് പി. ശേഷാദ്രിയും പ്രമുഖ സംവിധായകന് ഭദ്രനും അധ്യക്ഷന്മാരായ രണ്ട് പ്രാഥമിക വിധിനിര്ണയ സമിതിയില് ഉണ്ടായിരന്നു. എണ്പതുചിത്രങ്ങള് കണ്ട് രണ്ടാം റൗണ്ടിലേക്ക് നിര്ദേശിച്ച ചിത്രങ്ങളില് നിന്നാണ് അവാര്ഡ് പ്രഖ്യാപനം.
ഛായാഗ്രാഹകന് ഷഹ്നാദ് ജലാല്, എഴുത്തുകാരി ഡോ.രേഖ രാജ്, തിരക്കഥാകൃത്തും ഗാനരചയിതാവും ആയ ഷിബു ചക്രവര്ത്തി എന്നിവരാണു ഭദ്രന്റെ നേതൃത്വത്തിലുള്ള പ്രാഥമിക ജൂറിയില് ഉണ്ടായിരുന്നത്.
രചനാ വിഭാഗം അവാര്ഡുകള് നിശ്ചയിക്കുന്നതിനു നിരൂപകന് ഡോ. പി.കെ. രാജശേഖരന്റെ അധ്യക്ഷതയില് പ്രത്യേക സമിതിയെ നിയോഗിച്ചിട്ടുണ്ട്. ചലച്ചിത്ര അക്കാദമി സെക്രട്ടറി സി. അജോയ് ആണ് എല്ലാ ജൂറികളുടെയും മെംബര് സെക്രട്ടറി.
പുരസ്കാരങ്ങള് നേടിയവര്
മികച്ച നടന്- ജയസൂര്യ(ചിത്രം: വെള്ളം)
മികച്ച നടി- അന്ന ബെന് (ചിത്രം: കപ്പേള)
മികച്ച ചിത്രം- 'ദ ഗ്രേയ്റ്റ് ഇന്ത്യന് കിച്ചന്' (സംവിധാനം: ജിയോ ബേബി)
മികച്ച സംവിധായകന്- സിദ്ധാര്ഥ് ശിവ (ചിത്രം: എന്നിവര്)
മികച്ച രണ്ടാമത്തെ ചിത്രം- 'തിങ്കളാഴ്ച നല്ല നിശ്ചയം' (സംവിധാനം: സെന്ന ഹെഗ്ഡേ)
മികച്ച കുട്ടികളുടെ ചിത്രം- 'ബൊണാമി'(ടോണി സുകുമാര്)
മികച്ച നവാഗത സംവിധായകന്- മുസ്തഫ (ചിത്രം: കപ്പേള)
മികച്ച സ്വഭാവ നടന്- സുധീഷ് (ചിത്രം: എന്നിവര്, ഭൂമിയിലെ മനോഹര സ്വകാര്യം)
മികച്ച സ്വഭാവ നടി- ശ്രീരേഖ (ചിത്രം: വെയില്)
മികച്ച ജനപ്രിയ ചിത്രം- 'അയ്യപ്പനും കോശിയും' (സംവിധാനം: സച്ചി)
മികച്ച ബാലതാരം ആണ്- നിരഞ്ജന്. എസ് (ചിത്രം: കാസിമിന്റെ കടല്)
മികച്ച ബാലതാരം പെണ്- അരവ്യ ശര്മ (ചിത്രം: പ്യാലി)
മികച്ച കഥാകൃത്ത്- സെന്ന ഹെഗ്ഡേ (ചിത്രം: തിങ്കളാഴ്ച്ച നിശ്ചയം)
മികച്ച ഛായാഗ്രാഹകന്- ചന്ദ്രു സെല്വരാജ് (ചിത്രം: കയറ്റം)
മികച്ച തിരക്കഥാകൃത്ത്- ജിയോ ബേബി (ചിത്രം: ദ ഗ്രേറ്റ് ഇന്ത്യന് കിച്ചന്)
മികച്ച ഗാനരചയിതാവ്- അന്വര് അലി
മികച്ച സംഗീത സംവിധായകന്- എം. ജയചന്ദ്രന് (ചിത്രം: സൂഫിയും സുജാതയും)
മികച്ച പശ്ചാത്തല സംഗീതം- എം. ജയചന്ദ്രന് (ചിത്രം: സൂഫിയും സുജാതയും)
മികച്ച പിന്നണി ഗായകന്- ഷഹബാസ് അമന്
മികച്ച പിന്നണി ഗായിക- നിത്യ മാമന് (ഗാനം: വാതുക്കല് വെള്ളരിപ്രാവ്) (ചിത്രം: സൂഫിയും സുജാതയും)
മികച്ച ഡബ്ബിംഗ് ആര്ട്ടിസ്റ്റ്- ഷോബി തിലകന്
മികച്ച ഡബ്ബിംഗ് ആര്ട്ടിസ്റ്റ് (പെണ്)- റിയാ സൈറാ
മികച്ച മേക്കപ്പ് ആര്ട്ടിസ്റ്റ്- റഷീദ് അഹമ്മദ്
മികച്ച കലാസംവിധാനം- സന്തോഷ് രാമന്
മികച്ച ചിത്രസംയോജകന്- മഹേഷ് നാരായണന് എസ്
മികച്ച നവാഗത സംവിധായകന് - മുഹമ്മദ് മുസ്തഫ
നാഞ്ചിയമ്മയ്ക്ക് മികച്ച ഗാനാലാപനം പ്രത്യേക അവാര്ഡ്
നളിനി ജമീലയ്ക്ക് വസ്ത്രാലങ്കാരത്തിന് പ്രത്യേക അവാര്ഡ്.
Online PR - CinemaNewsAgency.Com