CNA
തിരു:
52-ാമത് സംസ്ഥാന ചലച്ചിത്ര പുരസ്‌കാരങ്ങള്‍ പ്രഖ്യാപിച്ചു. 'ഭൂതകാലം' എന്ന ചിത്രത്തിലെ അഭിനയത്തിന് മികച്ച നടിയായി രേവതിയെ തിരഞ്ഞെടുത്തു. ജോജു ജോര്‍ജും ('തുറമുഖം', 'മധുരം', 'നായാട്ട്'), ബിജു മേനോനും ('ആര്‍ക്കറിയാം') മികച്ച നടനുള്ള പുരസ്‌കാരം പങ്കിട്ടു.
കൃഷാന്ദ് ആര്‍.കെ. സംവിധാനം ചെയ്ത 'ആവാസവ്യൂഹം' ആണ് മികച്ച ചിത്രം. മികച്ച രണ്ടാമത്തെ ചിത്രം രണ്ട് സിനിമകള്‍ക്കാണ്. റഹ്മാന്‍ ബ്രദേഴ്‌സ് സംവിധാനം ചെയ്ത 'ചവിട്ട്', താര രാമാനുജന്‍ സംവിധാനം ചെയ്ത 'നിഷിദ്ധോ' എന്നീ സിനിമകള്‍ക്കാണ് ഈ പുരസ്‌കാരം.
മികച്ച അവലംബിത തിരക്കഥ: ശ്യാം പുഷ്‌കരന്‍ (ചിത്രം 'ജോജി'). മികച്ച തിരക്കഥാകൃത്ത് കൃഷാന്ദ് (ചിത്രം 'ആവാസവ്യൂഹം'). മികച്ച ഛായാഗ്രഹണം മധു നീലകണ്ഠന്‍ (ചിത്രം 'ചുരുളി').
'ജോജി'യിലൂടെ ദിലീഷ് പോത്തന്‍ മികച്ച സംവിധായകനായി. ജനപ്രിയ ചിത്രമായി വിനീത് ശ്രീനിവാസന്‍ സംവിധാനം ചെയ്ത 'ഹൃദയം' തിരഞ്ഞെടുത്തു. ജിയോ ബേബിയുടെ 'ഫ്രീഡം ഫൈറ്റ്' മികച്ച ചിത്രത്തിനുള്ള പ്രത്യേക ജൂറി പരാമര്‍ശം നേടി.
142 സിനിമകള്‍ മത്സരത്തിനെത്തിയതില്‍ നിന്നും 29 ചിത്രങ്ങളാണ് അന്തിമ പട്ടികയില്‍ പരിഗണിച്ചത്. ഹിന്ദി ചലച്ചിത്ര സംവിധായകന്‍ സയ്യിദ് അഖ്തര്‍ മിര്‍സയായിരുന്നു ജൂറി ചെയര്‍മാന്‍.
തിരുവനന്തപുരത്ത് നടന്ന വാര്‍ത്താസമ്മേളനത്തില്‍ സാം്‌സ്‌കാരിക മന്ത്രി സജി ചെറിയാന്‍ പുരസ്‌കാരങ്ങള്‍ പ്രഖ്യാപിച്ചു.
മികച്ച കഥ- ഷാഹി കബീര്‍ 'നായാട്ട്'
മികച്ച സ്വഭാവനടി- ഉണ്ണിമായ 'ജോജി'
മികച്ച സ്വഭാവനടന്‍- സുമേഷ് മൂര്‍, 'കള'
സ്ത്രീട്രാന്‍സ്‌ജെന്‍ഡര്‍ പുരസ്‌കാരം 'അന്തരം'
മികച്ച എഡിറ്റര്‍- ആന്‍ഡ്രൂ ഡിക്രൂസ് 'മിന്നല്‍ മുരളി'
മികച്ച കുട്ടികളുടെ ചിത്രം- 'കാടകം' സംവിധാനം സഹില്‍ രവീന്ദ്രന്‍
മികച്ച നൃത്തസംവിധാനം- അരുണ്‍ലാല്‍ 'ചവിട്ട്'
മികച്ച വസ്ത്രാലങ്കാരം- മെല്‍വി ജെ 'മിന്നല്‍ മുരളി'
മികച്ച മേക്കപ്പ് ആര്‍ട്ടിസ്റ്റ്- രഞ്ജിത് അമ്പാടി 'ആര്‍ക്കറിയാം'
മികച്ച ശബ്ദമിശ്രണം- ജസ്റ്റിന്‍ ജോസ് 'മിന്നല്‍ മുരളി'
മികച്ച ശബ്ദരൂപകല്‍പ്പന- രംഗനാഥ് രവി 'ചുരുളി'
മികച്ച കലാസംവിധാനം- ഗോകുല്‍ദാസ് 'തുറമുഖം'
മികച്ച ചിത്രസംയോജകന്‍- മഹേഷ് നാരായണന്‍, രാജേഷ് രാജേന്ദ്രന്‍ 'നായാട്ട്'
മികച്ച ഗായിക- സിതാര കൃഷ്ണകുമാര്‍ 'കാണെക്കാണെ'
മികച്ച ഗായകന്‍- പ്രദീപ്കുമാര്‍ മിന്നല്‍ മുരളി
മികച്ച സംഗീതസംവിധായകന്‍- ബി.ജി.എം ജസ്റ്റിന്‍ വര്‍ഗീസ് ജോജി
മികച്ച സംഗീതസംവിധായകന്‍- ഹിഷാം ഹൃദയം
മികച്ച ഗാനരചയിതാവ്- ബി.കെ ഹരിനാരായണന്‍ കാടകം
മികച്ച രണ്ടാമത്തെ ചിത്രം- ചവിട്ട്, സജാസ് രഹ്മാന്‍ ഷിനോസ് റഹ്മാന്‍,
'നിഷിദ്ധോ' താരാ രാമാനുജന്‍
മികച്ച ഡബ്ബിങ് ആര്‍ടിസ്റ്റ്- ദേവി (ചിത്രം: ദൃശ്യം 2 (കഥാപാത്രം : റാണി)
മികച്ച നവാഗത സംവിധായകന്‍- കൃഷ്‌ണേന്ദു കലേഷ് 'പ്രാപ്പിട'
രചനവിഭാഗം- മികച്ച ചലച്ചിത്രഗ്രന്ഥം- ചമയം (പട്ടണം റഷീദ്)
പ്രത്യേക ജൂറി പരാമര്‍ശം - ചലച്ചിത്രഗ്രന്ഥം 'നഷ്ടസ്വപ്നങ്ങള്‍'.
Online PR - CinemaNewsAgency.Com
