സി എന് എ-
കൊച്ചി:
മലയാള സിനിമയിലെ നടീ നടന്മാരുടെ സംഘടനയായ അമ്മയുടെ സ്വപ്ന മന്ദിരം ഉദ്ഘാടനം മോഹന്ലാലും മമ്മൂട്ടിയും ചേര്ന്ന് നിര്വഹിച്ചു.
എറണാകുളം കലൂരിലുള്ള പുതിയ കെട്ടിടത്തില് കോവിഡ് മാനദണ്ഡങ്ങള് പാലിച്ച് നടത്തിയ ചടങ്ങില് നൂറ് പേര്ക്ക് മാത്രമായിരുന്നു പ്രവേശനം.
ആസ്ഥാന മന്ദിരത്തിന്റെ സാക്ഷാത്കാരത്തിനു പിന്നില് പ്രവര്ത്തിച്ചവര്ക്ക് മോഹന്ലാല് നന്ദി അറിയിച്ചു.
ഉദ്ഘാടന ചടങ്ങില് അമ്മ സംഘടനയുടെ പ്രസിഡണ്ട് കൂടിയായ നടന് മോഹന്ലാല് അധ്യക്ഷനായിരുന്നു. മമ്മൂട്ടി, ഹൈബി ഈഡന് എംപി, എംഎല്എ മാരായ ഗണേഷ് കുമാര്, മുകേഷ്, കൊച്ചിന് കോര്പ്പറേഷന് മേയര് എം അഡ്വ. അനില്കുമാര്. കൗണ്സിലര് ഷക്കീര്, നിര്മ്മാതാക്കളായ സുരേഷ് കുമാര്, എം രഞ്ജിത്ത്, സംവിധായകന് ബി.ഉണ്ണികൃഷ്ണന്, ഇടവേള ബാബു, ജഗദീഷ്, നിര്മ്മാതാവ് ആന്റണി പെരുമ്പാവൂര് എന്നിവര് സംസാരിച്ചു.
നടന് സിദ്ദിഖ് സ്വാഗതവും നടി ശ്വേതാ മേനോന് നന്ദിയും പറഞ്ഞു. ഇന്ദ്രന്സ്, ടിനി ടോം, ബാബുരാജ്, ഹണി റോസ്, സുധീര് കരമന, രചന നാരായണന്കുട്ടി തുടങ്ങിയവരും ചടങ്ങില് പങ്കെടുത്തു.
25 വര്ഷങ്ങള്ക്ക് മുമ്പ് 'അമ്മ' എന്ന സംഘടന ആരംഭിക്കുന്ന സമയത്ത് സംഘടനയുടെ ലോഗോ ഡിസൈന് ചെയ്ത പ്രശസ്ത സ്റ്റില് ഫോട്ടോഗ്രാഫര് ആര്. ഗോപാലകൃഷ്ണനെയും പുതിയ കെട്ടിടത്തിന്റെ ഇന്റീരിയര് ഡിസൈനറായ ദിനേശിനെയും ചടങ്ങില് ആദരിച്ചു.