സി എന്‍ എ-
കൊച്ചി:
കൊച്ചി ഉണരുകയാണ്! കോവിഡ് കാലത്ത് നിശബ്ദമായ രംഗവേദികളും. കലാകാരന്മാര്‍ക്ക് കൈത്താങ്ങായി, ആടാനും പാടാനും വരയ്ക്കാനും ഇനി 'ആര്‍ട്ട്‌സ് സ്‌പേസ് കൊച്ചി - ASK'.
കൊച്ചി മുനിസിപ്പല്‍ കോര്‍പ്പറേഷന്റെ നേതൃത്വത്തില്‍ ജില്ലാ ഭരണകൂടത്തിന്റെ സഹകരണത്തോടെ കലാകാരന്മാര്‍ക്ക് കലയിടം കണ്ടെത്തിയിരിക്കുകയാണ് 'ആര്‍ട്ട്‌സ് സ്‌പേസ് കൊച്ചി' എന്ന പദ്ധതിയിലൂടെ. ഈ പദ്ധതി ഫെബ്രുവരി 8, തിങ്കളാഴ്ച്ച വൈകിട്ട് 5:30 ന് ജോസ് ജംഗ്ഷനിലെ KMRL കള്‍ച്ചറല്‍ കോര്‍ണറില്‍ വച്ച് ഉദ്ഘാടനം ചെയ്യപ്പെടുന്നു. നഗരം സാംസ്‌കാരിക തലസ്ഥാനമായി ഉയര്‍ത്തെഴുന്നേല്‍ക്കുന്നതിന്റെ ഒരു വലിയ തുടക്കമാണിത്. ഈ മഹത്തായ പദ്ധതിയുടെ ഭാഗമാകുവാന്‍ നിങ്ങളേവരേയും ക്ഷണിക്കുന്നു. കൊച്ചിയുടെ പ്രിയഗായകന്‍ ചാള്‍സ് ആന്റണിയുടെ സംഗീത വിരുന്നോടെയാണ് ഈ പദ്ധതിക്ക് തുടക്കം കുറിക്കുന്നത്. നടന്‍ ജയസൂര്യ ASK പദ്ധതി ഉദ്ഘാടനം ചെയ്യും.
