Editor - MM Kamath
കൊച്ചി:
ആന്റണി വര്ഗീസിനെ നായകനാക്കി നവാഗതനായ നിഖില് പ്രേംരാജ് രചനയും സംവിധാനവും നിര്വ്വഹിക്കുന്ന 'ആനപ്പറമ്പിലെ വേള്ഡ്കപ്പി'ന്റെ ടീസര് വയറലായിരിക്കുകയാണ്.
123Musix ക്കിന്റെ യൂട്യൂബ് ചാനലിലൂടെയാണ് ടീസര് റിലീസ് ചെയ്തത്.
ഫുട്ബോള് പശ്ചാത്തലമാക്കി ഒരു ചിത്രമാണ് ഇത്. ഫാന്റസി സ്പോര്ട്സ് ഡ്രാമയെന്നാണ് അണിയറക്കാര് 'ആനപ്പറമ്പിലെ വേള്ഡ്കപ്പിനെ വിശേഷിപ്പിച്ചിരിക്കുന്നത്.
ഫുട്ബോള് വേള്ഡ്കപ്പിനെ വരവേല്ക്കാന് ഒരുങ്ങിയിരിക്കുന്ന ഉത്തരകേരളത്തിലെ ഒരു ഗ്രാമമാണ് 'ആനപ്പറമ്പിലെ വേള്ഡ്കപ്പിന്റെ കഥാപശ്ചാത്തലം.
കടുത്ത ഫുട്ബോള് പ്രേമിയായ ഒന്പത് വയസ്സുകാരന്റെ ജീവിതത്തിലേക്ക് ഒരു അപ്രതീക്ഷിത അതിഥി കടന്നുവരുന്നതിനെത്തുടര്ന്ന് അവന്റെ ജീവിതത്തിലുണ്ടാവുന്ന മാറ്റങ്ങളുമാണ് ചിത്രത്തിന്റെ കഥ.
ടി ജി രവി, ബാലു വര്ഗീസ്, ലുക്മാന്, ഐ എം വിജയന്, ആദില് ഇബ്രാഹിം, നിഷാന്ത് സാഗര്, ജോപോള് അഞ്ചേരി, ആസിഫ് സഹീര്, അര്ച്ചന വാസുദേവ്, ജെയ്സ് ജോസ്, ദിനേശ് മോഹന്, ഡാനിഷ്, അമല്, ബാസിത്ത്, ശിവപ്രസാദ്, റിത്വിക്, കാശിനാഥ്, ഇമ്മാനുവല് തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
അച്ചാപ്പു മൂവി മാജിക്, മാസ് മേഡിയ പ്രൊഡക്ഷന് എന്നീ ബാനറുകളില് ഫൈസല് ലത്തീഫ്, സ്റ്റാന്ലി സി എസ് എന്നിവരാണ് ചിത്രത്തിന്റെ നിര്മ്മാണം. ഛായാഗ്രഹണം- ഫായിസ് സിദ്ദിഖ്. സംഗീതം & പശ്ചാത്തല സംഗീതം- ജേക്സ് ബിജോയ്, എഡിറ്റിംഗ്- നൗഫല് അബ്ദുള്ള, ജിത്ത് ജോഷി, പ്രൊഡക്ഷന് കണ്ട്രോളര്- ബാദുഷ, പ്രൊഡക്റ്റ് ഡിസൈനര്- അനൂട്ടന് വര്ഗീസ്, വസ്ത്രാലങ്കാരം- അരുണ് മനോഹര്, മേക്കപ്പ്- ജിത്തു പയ്യന്നൂര്, ചീഫ് അസോസിയേറ്റ് ഡയറക്ടര്- പ്രേംനാഥ്.
Online PR - CinemaNewsAgency.Com