സി എന് എ-
കൊച്ചി:
ഉലകനായകന് കമലഹാസനും മലയാളത്തിന്റെ സ്റ്റാര് ഐക്കണ് ഫഹദ് ഫാസിലും ചേര്ന്ന് 'ആര്ക്കറിയാം' എന്ന സിനിമയുടെ ടീസറും ഫസ്റ്റ് ലുക്ക് പോസ്റ്ററും പുറത്തുവിട്ടു.
വ്യത്യസ്ത രൂപത്തിലും ഭാവത്തിലും താരങ്ങള് എത്തുന്ന ടീസറും ഫസ്റ്റ് ലുക്ക് പോസ്റ്ററും ഇതിനോടകം ജനശ്രദ്ധ നേടിക്കഴിഞ്ഞു.
ബിജു മേനോന്, പാര്വതി തിരുവോത്ത്, ഷറഫുദ്ധീന് എന്നിവര് കേന്ദ്ര കഥാപാത്രങ്ങളാകുന്ന ചിത്രമാണ് 'ആര്ക്കറിയാം'. പ്രശസ്ത ഛായാഗ്രഹകനായ സാനു ജോണ് വര്ഗീസ് ആണ് 'ആര്ക്കറിയാമിന്റെ സംവിധായകന്.
മൂണ്ഷോട്ട് എന്റര്ടൈന്മെന്റ്സിനും ഒ പി എം ഡ്രീം മില് സിനിമാസിനും വേണ്ടി സന്തോഷ് ടി കുരുവിളയും ആഷിഖ് അബുവും ചേര്ന്നാണ് 'ആര്ക്കറിയാം' നിര്മ്മിക്കുന്നത്. ചിത്രത്തിന്റെ തിരക്കഥ എഴുതിയിരിക്കുന്നത് സാനു ജോണ് വര്ഗീസും, രാജേഷ് രവിയും, അരുണ് ജനാര്ദ്ദനനും ചേര്ന്നാണ്.
എഡിറ്റിംഗ്- മഹേഷ് നാരായണന്, ഛായാഗ്രഹണം- ജി ശ്രീനിവാസ് റെഡ്ഢി. സംഗീതം- നേഹ നായരും, യെക്സാന് ഗാരി പെരേര.
'ആന്ഡ്രോയ്ഡ് കുഞ്ഞപ്പന്' എന്ന ചിത്രത്തിന്റെ സംവിധായകനായ രതീഷ് ബാലകൃഷ്ണന് പൊതുവാള് ആണ് പ്രൊഡക്ഷന് ഡിസൈന്.
ആര്ട്ട് ഡയറക്ടര്- ജ്യോതിഷ് ശങ്കറാണ്, വസ്ത്രാലങ്കാരം- സമീറ സനീഷ്, മേക്കപ്പ്- രഞ്ജിത്ത് അമ്പാടി, എക്സിക്യൂട്ടീവ് പ്രൊഡ്യൂസേഴ്സ്- അരുണ് സി തമ്പി, സന്ദീപ് രക്ഷിത്. ചീഫ് അസ്സോസിയേറ്റ് ഡയറക്ടര്- വാവ, പ്രൊഡക്ഷന് കണ്ട്രോളര്- ബെന്നി കട്ടപ്പനയാണ്.
2021 ഫെബ്രുവരി 26നാണ് 'ആര്ക്കറിയാം' റിലീസിനെത്തും.