സി എന്‍ എ-
കൊച്ചി:
സംവിധായകന്‍ എബ്രിഡ് ഷൈനിന്റെ അടുത്ത ചിത്രത്തില്‍ നായകന്മാരായി നിവിന്‍ പോളിയും ആസിഫ് അലിയും എത്തും.
'ട്രാഫിക്', 'സെവന്‍സ്' തുടങ്ങിയ സിനിമകളിലാണ് നിവിനും ആസിഫും മുന്‍പ് ഒന്നിച്ച് അഭിനയിച്ചത്. ആക്ഷന്‍ ഹീറോ ബിജു എന്ന സൂപ്പര്‍ ഹിറ്റ് ചിത്രത്തിന് ശേഷം എബ്രിഡ് ഷൈനും നിവിനും വീണ്ടും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്.
ചിത്രത്തിന്റെ ലൊക്കേഷന്‍ രാജസ്ഥാനാണ്. നര്‍മ്മത്തിന് പ്രാധാന്യം നല്‍കി ഒരുക്കുന്ന ചിത്രത്തിന്റെ ടൈറ്റില്‍ ഇതുവരെ പുറത്തുവിട്ടിട്ടില്ല.
'മഹേഷും മാരുതിയും' എന്ന ചിത്രത്തിന്റെ ഷൂട്ടിംഗിന് ശേഷമായിരിക്കും ആസിഫ് അലി എബ്രിഡ് ഷൈന്‍ ചിത്രത്തില്‍ ജോയ്ന്‍ ചെയ്യുക.
ചിത്രത്തിലെ മറ്റ് അഭിനേതാക്കളുടെ വിവരങ്ങള്‍ ഉടന്‍ പുറത്തുവിടുമെന്ന് അണിയറപ്രവര്‍ത്തകര്‍ പറഞ്ഞു.
'കൊത്ത്', 'എല്ലാം ശരിയാവും', 'നാലാം തൂണ്‍' എന്നീ ചിത്രങ്ങളിലും നായകന്‍ ആസിഫ് അലിയാണ്.
'തുറമുഖം' ആണ് നിവിന്‍ പോളി നായകനായ റിലീസിന് ഒരുങ്ങിയിരിക്കുന്ന ചിത്രം.
