സി എന്‍ എ-
തിരു:
'ചിത്രം' സിനിമയിലൂടെ ബാലതാരമായി എത്തി ശ്രദ്ധേയനായ നടന്‍ ശരണ്‍ വേണു അന്തരിച്ചു. 49 വയസായിരുന്നു.
കടുത്ത പനിയെ തുടര്‍ന്ന് രണ്ട് ദിവസമായി ചികിത്സയിലായിരുന്നു ശരണ്‍. വീട്ടില്‍ കുഴഞ്ഞ് വീണതിനെ തുടര്‍ന്ന് ഇന്ന് രാവിലെ കടക്കല്‍ താലൂക്ക് ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.
മൃതദേഹം കടക്കല്‍ താലൂക്ക് ആശുപത്രിയില്‍ സൂക്ഷിച്ചിരിക്കുകയാണ് കൊവിഡ് പരിശോധനാഫലം വന്നതിന് ശേഷം ബന്ധുക്കള്‍ക്ക് വിട്ട് നല്‍കും.
പ്രിയദര്‍ശന്‍ മോഹന്‍ലാല്‍ സൂപ്പര്‍ ഹിറ്റ് സിനിമയായ 'ചിത്രം' കൂടാതെ 'അനന്തവൃത്താന്തം', 'ഒരുതരം രണ്ടു തരം മൂന്നു തരം', '32-ാം അദ്ധ്യായം 23-ാം വാക്യം' തുടങ്ങിയ സിനിമകളില്‍ ശരണ്‍ അഭിനയച്ചിട്ടുണ്ട്.
സിനിമ സീരിയല്‍ മേഖലയില്‍ ഡബ്ബിങ്ങ് ആര്‍ട്ടിസ്റ്റായിട്ടും പ്രവര്‍ത്തിച്ചിട്ടുണ്ട്.
ശരണിന്റെ അച്ഛന്‍ എസ്. വേണു ദൂരദര്‍ശനില്‍ അസിസ്റ്റന്റ് ഡയറക്ടറായിരുന്നു. അമ്മ പഴയകാല ചലച്ചിത്ര നടി രാജകുമാരി വേണു. രണ്ടു പേരും ഇന്ന് ജീവിച്ചിരിപ്പില്ല. ശരണിന്റെ സഹോദരി മീനാ നെവില്‍ അറിയപ്പെടുന്ന ഡബ്ബിംഗ് ആര്‍ട്ടിസ്റ്റാണ്.
തിരുവനന്തപുരം സ്വദേശിയായ ശരണ്‍, ഭാര്യക്കും കുട്ടികള്‍ക്കും ഒപ്പം കടയ്ക്കല്‍ ചിതറയിലായിരുന്നു താമസം.
