സി എന് എ-
ചെന്നൈ:
പ്രശസ്ത തമിഴ് നടന് വിവേക് അന്തരിച്ചു. ഇന്ന് പുലര്ച്ചെ 4.35 ഓടെയായിരുന്നു അന്ത്യം.
ഹൃദയാഘാതത്തെ തുടര്ന്ന് ചെന്നൈയിലെ സിംസ് ആശുപത്രിയില് ചികിത്സയിലായിരുന്നു. വെള്ളിയാഴ്ച രാവിലെയാണ് വിവേകിനെ ഹൃദയാഘാതം മൂലം ആശുപത്രിയില് പ്രവേശിപ്പിച്ചത്.
അക്യൂട്ട് കൊറോണറി സിന്ഡ്രോമിനൊപ്പമുള്ള ഹൃദയാഘാതമാണ് വിവേകിന് സംഭവിച്ചത്.
വിവേക് കഴിഞ്ഞ ദിവസം കോവിഡ് വാക്സിന് സ്വീകരിച്ചിരുന്നു. എന്നാല് കോവിഡ് വാക്സിന് സ്വീകരിച്ചത് കൊണ്ടല്ല ഇത് സംഭവിച്ചതെന്നും ഡോക്ടര്മാര് വ്യക്തമാക്കിയിട്ടുണ്ട്.
തമിഴ് കോമഡി താരങ്ങളില് ശ്രദ്ധേയനായ നടനാണ് വിവേക്. സാമി, ശിവാജി, അന്യന് തുടങ്ങി ഇരുന്നൂറിലധികം ചിത്രങ്ങളില് അഭിനയിച്ചിട്ടുണ്ട്. മൂന്ന് തവണ തമിഴ്നാട് സര്ക്കാരിന്റെ മികച്ച ഹാസ്യനടനുള്ള പുരസ്കാരം നേടി.