സി എന്‍ എ-
ഹൈദരാബാദ്:
ലോക്ഡൗണില്‍ അഡാര്‍ലവിന്റെ തെലുങ്ക് പതിപ്പ് കണ്ടത് അഞ്ച് കോടി ആളുകള്‍. ലോക്ഡൗണില്‍ സിനിമമേഖല പ്രതിസന്ധിയിലായതോടെ ഓണ്‍ലൈന്‍ പ്ലാറ്റ്‌ഫോമുകള്‍ ഉപയോപ്പെടുത്തിയ ചില സിനിമകള്‍ മികച്ച വിജയം നേടുകയുണ്ടായി. ഒമര്‍ ലുലു സംവിധാനം ചെയ്ത ഒരു അഡാറ് ലവിന്റെ തെലുങ്ക് പതിപ്പിനു പറയാനുള്ളതും ഇതുപോലെയൊരു വിജയകഥയാണ്. ലോക്ക്ഡൗണില്‍ യൂട്യൂബില്‍ റിലീസ് ചെയ്ത് സൂപ്പര്‍ഹിറ്റ് വിജയം നേടിയ തെലുങ്ക് ചിത്രത്തിന്റെ പേര് ലവേഴ്‌സ് ഡേ' എന്നാണ്. ജൂണ്‍ 12ന് തെലുങ്ക് ഫിലിംനഗര്‍ എന്ന യുട്യൂബ് ചാനലിലൂടെയായിരുന്നു റിലീസ്. ഞെട്ടിക്കുന്ന വ്യൂവര്‍ഷിപ്പോടെ മുന്നേറിക്കൊണ്ടിരിക്കുകയാണ് ചിത്രം. അഞ്ച് കോടിയിലേറെ ആളുകള്‍ ഇതിനകം കണ്ടു കഴിഞ്ഞു. പുതുമുഖങ്ങളെ അണിനിരത്തി ഒമര്‍ ലുലു സംവിധാനം ചെയ്ത അഡാറ് ലവ് മലയാളത്തില്‍ മാത്രമായാണ് ഒരുക്കിയത്. മാണിക്യമലരായ പൂവെ എന്ന ഗാനത്തിലൂടെ പ്രിയ വാര്യര്‍ ശ്രദ്ധിക്കപ്പെട്ടടതോടെയാണ് വിവിധ ഭാഷകളിലേക്ക് മൊഴിമാറ്റം നടത്തിയത്.
