സി എന് എ-
ഹൈദരാബാദ്:
പ്രഭാസ് നായകനാകുന്ന 'ആദിപുരുഷിന്റെ 3 ഡി മോഷന് ക്യാപ്ചറിങ്ങിന്റെ സാങ്കേതിക പ്രവര്ത്തനങ്ങള് ഇന്ന് (ജനുവരി 19ന്) രാവിലെ 7.11 ന് ആരംഭിച്ചു.
ഈ വാര്ത്ത പ്രഭാസ് തന്റെ ട്വിറ്ററിലൂടെ സാങ്കേതിക വിദഗ്ധരുടെ ചിത്രമടക്കം പങ്കുവെക്കുകയായിരുന്നു. 'മുഹൂര്ത്തം ഫെബ്രുവരി 2' എന്നും പോസ്റ്റില് കുറിച്ചിട്ടുണ്ട്.
ഹിന്ദു പുരാണ പ്രകാരം, ശ്രീരാമനെ ആദി പുരുഷന് എന്നു വിളിക്കുന്നു. ശ്രീരാമന്റെ വേഷത്തില് പ്രഭാസ് പ്രത്യക്ഷപ്പെടുമ്പോള് ബോളിവുഡ് താരം സെയ്ഫ് അലി ഖാന് രാവണനായി അഭിനയിക്കുന്നു. ഇതാദ്യമായാണ് പ്രഭാസും സെയ്ഫ് അലിഖാനും ഒരു ചിത്രത്തിനായി ഒന്നിക്കുന്നത്.
പ്രഭാസിന്റെ ആരാധകര് ഏറെ പ്രതീക്ഷയോടെ കാത്തിരിക്കുന്ന ചിത്രമാണ് 'ആദിപുരുഷ്'. രാമായണകഥയെ പ്രമേയമാക്കി ഓം റൗട്ട് ഒരുക്കുന്ന ബിഗ് ബജറ്റ് ത്രിഡി ചിത്രമാണിത്.
400 കോടി രൂപ ബജറ്റിലാണ് 'ആദിപുരുഷ്' ഒരുങ്ങുന്നത്.
തെലുങ്കിന് പുറമെ മലയാളം, തമിഴ്, കന്നഡ, ഹിന്ദി എന്നീ ഭാഷകളില് 'ആദിപുരുഷ്' റിലീസ് ചെയ്യും.
'തിന്മയ്ക്കെതിരായ നന്മയുടെ വിജയം ആഘോഷിക്കുന്നു' എന്ന ടാഗ്ലൈനോടെ പ്രഭാസ് ചിത്രത്തിന്റെ ഫസ്റ്റ് ലുക്ക് പോസ്റ്റര് നേരത്തെ ഇന്സ്റ്റാഗ്രാമില് പങ്കുവച്ചിരുന്നു. അന്ന് മുതല് ചിത്രത്തിന്റെ കൂടുതല് വിശേഷങ്ങള് അറിയാന് കാത്തിരിക്കുകയാണ് ആരാധകര്.
ചിത്രം ഉടന് തന്നെ പ്രദര്ശനത്തിനെത്തുമെന്നാണ് ലഭ്യമാകുന്ന സൂചന.
റിട്രോഫില്സ് പ്രൈവറ്റ് ലിമിറ്റഡാണ് ചിത്രം നിര്മ്മിക്കുന്നത്.