CNA
കൊച്ചി:
അടൂരിന്റെ ചലച്ചിത്രയാത്രയ്ക്ക് അരനൂറ്റാണ്ട് പൂര്‍ത്തിയാകുമ്പോള്‍ ഫെഡറേഷന്‍ ഓഫ് ഫിലിം സൊസൈറ്റീസ് ഓഫ് ഇന്ത്യ, കേരളം അടൂര്‍ ഓണ്‍ലൈന്‍ ചലച്ചിത്രോത്സവം സംഘടിപ്പിക്കുന്നു.
അടൂരിന്റെ പ്രസിദ്ധമായ ഏഴു സിനിമകളുടെ ഏറ്റവും മികച്ച ഡിജിറ്റല്‍ പ്രിന്റുകള്‍ ഉള്‍പ്പെടുത്തിക്കൊണ്ട് 2022 ജൂണ്‍ 20 മുതല്‍ 28 വരെ അടൂര്‍ ഓണ്‍ലൈന്‍ ഫിലിം ഫെസ്റ്റിവല്‍ ഒരുങ്ങുന്നു.
അടൂര്‍ ഗോപാലകൃഷ്ണനെക്കുറിച്ച് രണ്ടു കാലങ്ങളില്‍ ഉണ്ടായ, ദേശീയ ശ്രദ്ധനേടിയ രണ്ടു ഡോക്യുമെന്ററികളും ഈ മേളയില്‍ പ്രദര്‍ശിപ്പിക്കും. 2022 ജൂണ്‍ 20 ന് വൈകുന്നേരം 6 മണിക്ക് ഒമ്പത് ദിവസം നീണ്ടു നില്‍ക്കുന്ന അടൂര്‍ ഗോപാലകൃഷ്ണന്‍ ഓണ്‍ലൈന്‍ ചലച്ചിത്രോത്സവം വിഖ്യാത ചലച്ചിത്രസംവിധായകന്‍ ഗിരീഷ് കാസറവള്ളി ഉദ്ഘാടനം ചെയ്യും. തുടര്‍ന്ന് ഗിരീഷ് കാസറവള്ളി സംവിധാനം ചെയ്ത ഡോക്യുമെന്ററി (Images/Reflections: a documentary on Adoor Gopalakrishnan) പ്രദര്‍ശിപ്പിക്കും.
വിവിധ ദിവസങ്ങളില്‍ അടൂരിന്റെ പ്രധാന ചിത്രങ്ങള്‍ വിവിധ കാലങ്ങളിലെ ചലച്ചിത്ര പഠിതാക്കള്‍ അവതരിപ്പിക്കും.
'സ്വയംവരം', 'എലിപ്പത്തായം', 'കൊടിയേറ്റം', 'അനന്തരം', 'മതിലുകള്‍', 'വിധേയന്‍', 'നിഴല്‍ക്കുത്ത്' എന്നിങ്ങനെ 7 അടൂര്‍ സിനിമകളാണ് മേളയില്‍ പ്രദര്‍ശിപ്പിക്കുക.
വിപിന്‍ വിജയ്, രാജീവ് മല്‍ഹോത്ര എന്നിവര്‍ ചേര്‍ന്ന് സംവിധാനം ചെയ്ത അടൂര്‍ ഡോക്യുമെന്ററി (Adoor: A Journey in Frames) മേളയുടെ അവസാന ദിവസം പ്രദര്‍ശിപ്പിക്കും.
അടൂര്‍ സിനിമകളെക്കുറിച്ചുള്ള വിലയിരുത്തലുകള്‍, ഓപ്പണ്‍ ഫോറം തുടങ്ങിയവയും ഈ ഓണ്‍ലൈന്‍ ചലച്ചിത്രമേളയോടനുബന്ധിച്ച് സംഘടിപ്പിക്കും.
For more details visit the link: ffsikeralam.in/
Online PR - CinemaNewsAgency.Com
