CNA
കോഴിക്കോട് :
മലബാര്‍ ഫിലിം ഡയറക്ടേഴ്സ് ക്ലബ് സംഘടിപ്പിച്ച ഷോര്‍ട്ട് ഫിലിം ആന്റ് ഡോക്യൂമെന്ററി ഫിലിം ഫെസ്റ്റിവല്‍ ഓഫ് കേരളയില്‍ ഏറ്റവും മികച്ച ചിത്രമായി 'എല്‍ ഐ ബി' (ലൈഫ് ഈസ് ബ്യുട്ടിഫുള്‍) തിരഞ്ഞെടുത്തു.
ഇരുപത്തി അയ്യായിരം രൂപയും പ്രശസ്തി പത്രവും ശില്‍പവുമാണ് അവാര്‍ഡ്. മേളയിലെ ഏറ്റവും മികച്ച സംവിധായകനുള്ള പുരസ്‌കാരം ബൈജുരാജ് ചേകവര്‍(ചിത്രം-'എല്‍ ഐ ബി' -ലൈഫ് ഈസ് ബ്യുട്ടിഫുള്‍) നേടി. പതിനായിരം രൂപയും പ്രശസ്തി പത്രവും ശില്‍പവുമാണ് അവാര്‍ഡ്.
'ബൈനറി എറര്‍' എന്ന ചിത്രത്തിലെ അഭിനയത്തിന് സണ്ണി വെയ്ന്‍ മികച്ച നടനുള്ള അവാര്‍ഡ് നേടി.
കോഴിക്കോട് ഈസ്റ്റ്ഹില്ലിലെ കൃഷ്ണമേനോന്‍ മ്യുസിയത്തിലെ 3D തിയേറ്ററില്‍ വെച്ച് നടന്ന ചടങ്ങില്‍ കേരള ചലച്ചിത്ര അക്കാദമി വൈസ് ചെയര്‍മാന്‍ പ്രേംകുമാര്‍ അവാര്‍ഡുകള്‍ വിതരണം ചെയ്തു.
കേരള സംസ്ഥാന ചലച്ചിത്ര അക്കാദമി അവാർഡ് ലഭിച്ച ഹേമ എസ് ചന്ദ്രേടത്തിന്റെ തിരക്കഥയെ ആസ്പദമാക്കിയാണ് എൽ ഐ ബി ഒരുക്കിയത്.
മിനി മോഹന്‍, ശശികുമാര്‍ തെന്നല, ഡോക്ടര്‍ ചാന്ദ്നി, വി പി പ്രകാശ്, ഡോക്ടര്‍ മൃണാളിനി എന്നിവരാണ് കേരള ചലച്ചിത്ര അക്കാദമിയ്ക്ക് വേണ്ടി ഈ ഹ്രസ്വചിത്രം നിര്‍മ്മിച്ചത്.
പരിസ്ഥിതി മുഖ്യപ്രമേയമായി വരുന്ന 'എല്‍ ഐ ബി ഒട്ടേറെ' അന്തര്‍ദേശീയ ചലച്ചിത്ര മേളകളില്‍ പ്രദര്‍ശിപ്പിച്ച് അവാര്‍ഡുകള്‍ നേടിയിട്ടുണ്ട്. കൂടാതെ എ.കെ. ലോഹിതദാസ് അന്തര്‍ദേശീയ ഷോര്‍ട്ട് ഫിലിം മേളയില്‍ ഏറ്റവും മികച്ച കലാ സംവിധാനത്തിനുള്ള പുരസ്‌കാരവും ലഭിച്ചിട്ടുണ്ട്.
'കക്ഷി അമ്മിണി പിള്ള' എന്ന ചിത്രത്തിലൂടെ ശ്രദ്ധേയയായ ഫറാ ഷിബില, 'വിക്രമാദിത്യന്‍' എന്ന സിനിമയിലൂടെ മികച്ച കൊറിയോഗ്രാഫര്‍ക്കുള്ള സംസ്ഥാന പുരസ്‌കാരം നേടിയ സജ്ന നജം, ആരോഗ്യ പ്രവര്‍ത്തകയായ ലൈല പോക്കര്‍ എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്നു.
പ്രവീണ്‍ പരമേശ്വര്‍, പ്രേംരാജ് കായക്കൊടി, സി എം ഇബ്രാഹിം കുട്ടി, ശ്രീജിത്ത്, സന്തോഷ് സൂര്യ, ശാരദ പാലത്ത്, എ കണ്ണന്‍, പവിത്രന്‍ തിനൂര്‍ എന്നിവരാണ് മറ്റ് അഭിനേതാക്കള്‍.
ഈ ചിത്രത്തിന്റെ പ്രധാന ലൊക്കേഷന്‍ കോഴിക്കോട് ജില്ലയിലെ കായക്കൊടിയായിരുന്നു.
കോവിഡ് കാലത്തെ ലോക് ഡൗണ്‍ സാഹചര്യത്തില്‍ ഒരു ഹൈറേഞ്ച് ടൗണ്‍ഷിപ്പിലെ ഫാമിലി കോട്ടേജില്‍ ഒറ്റപ്പെട്ടു പോയ വനിതാ ഓട്ടോ ഡ്രൈവറുടെ മാനസിക സംഘര്‍ഷങ്ങളും സഞ്ചാരവുണ് 'എല്‍ ഐ ബി'യുടെ പ്രമേയം.
ഛായാഗ്രഹണം- രാഗേഷ് നാരായണന്‍ നിര്‍വ്വഹിക്കുന്നു. സംഗീതം- ബിജിബാല്‍, ചിത്ര സംയോജനം- ദീപു ജോസഫ്, കോപ്രൊഡ്യൂസര്‍- ബൈജുരാജ് ചേകവര്‍, മിനി മോഹന്‍, ശശികുമാര്‍ തെന്നല, എക്സിക്യൂട്ടീവ് പ്രൊഡ്യൂസര്‍- ഡോക്ടര്‍ ചാന്ദ്നി സജീവന്‍, വി പി പ്രകാശ്, ഡോക്ടര്‍ മൃണാളിനി, കല- സുരേഷ്ബാബു നന്ദന, മേക്കപ്പ്- ശാരദ പാലത്ത്, വസ്ത്രാലങ്കാരം- രഘുനാഥ്, ശബ്ദ രൂപകല്‍പന- രംഗനാഥ് രവി, വി എഫ് എക്സ് & ടൈറ്റില്‍- സുമില്‍ ശ്രീധര്‍, ഡി ഐ- ലിജു പ്രഭാകര്‍, പ്രൊഡക്ഷന്‍ എക്സിക്യൂട്ടീവ്- മെഹമൂദ് കാലിക്കറ്റ്, ചീഫ് അസോ. ഡയറക്ടര്‍- ഷെനിത്ത്, അസോസിയേറ്റ് ക്യാമറാമാന്‍- മണികണ്ഠന്‍, നിശ്ചല ഛായാഗ്രഹണം- രാകേഷ് നായര്‍, അസോസിയേറ്റ് ഡയറക്ടര്‍- പ്രവീണ്‍ പരമേശ്വര്‍, മേയ്ക്കിങ്ങ് വീഡിയോ- അജയന്‍ ചൈത്രം, ഡ്രോണ്‍- ഷിബിന്‍ ദാസ് നന്മണ്ട, അസിസ്റ്റന്റ് ഡയറക്ടര്‍- എ കെ റംഷാദ് മൊകേരി, ആര്‍ട്ട് അസിസ്റ്റന്റസ്- ദില്‍ജിത്ത് കുട്ടന്‍, നിഖില്‍ എടക്കാട്, ആദിശേഷന്‍ എം എസ്, വീഡിയോ അസ്സിസ്റ്റന്‍സ്- അശ്വിന്‍ പ്രകാശ്, സനജ്.
വാര്‍ത്ത പ്രചരണം- എം.എം. കമ്മത്ത്.
Online PR - CinemaNewsAgency.Com
