CNA
കൊച്ചി:
തെന്നിന്ത്യന് യുവ താരം അഖില് അക്കിനേനിയും മലയാളത്തിന്റെ മെഗാ സ്റ്റാര് മമ്മൂട്ടിയും ഒന്നിക്കുന്ന ചിത്രം 'ഏജന്റ്' ചിത്രം എന്ന പാന് ഇന്ത്യന് റിലീസിന് ഒരുങ്ങുന്നു.
സ്റ്റൈലിഷ് മേക്കര് സുരേന്ദര് റെഡ്ഡി സംവിധാനം ചെയ്യുന്ന ചിത്രം തെലുങ്ക്, ഹിന്ദി, തമിഴ്, കന്നഡ, മലയാളം ഭാഷകളില് ഒരേസമയം റിലീസ് ചെയ്യും. ചിത്രത്തിന്റെ ടീസര് തീയതിയും അണിയറപ്രവര്ത്തകര് പ്രഖ്യാപിച്ചിട്ടുണ്ട്.
ഏജന്റിന്റെ ടീസര് ജൂലൈ 15ന് പുറത്തിറങ്ങുമെന്നാണ് ടീസര് അനൗണ്സ്മെന്റ് വീഡിയയിലൂടെ അണിയറ പ്രവര്ത്തകര് അറിയിച്ചിരിക്കുന്നത്.
ചിത്രത്തിന്റെ പ്രതീക്ഷകളെ വര്ദ്ധിപ്പിക്കും വിധം വളരെ സ്റ്റൈലിഷായാണ് അനൗണ്സ്മെന്റ് വീഡിയോ പുറത്തിറക്കിയിരിക്കുന്നത്.
വമ്പന് ബഡ്ജറ്റില് ഒരുങ്ങുന്ന സ്റ്റൈലിഷ് ആക്ഷന് ത്രില്ലര് ചിത്രീകരണത്തിന്റെ അവസാന ഘട്ടത്തിലാണ്.
ചിത്രത്തില് ഏജന്റായി അഭിനയിക്കുന്ന അഖില് കഥാപാത്രത്തിനായി ഒരുക്കിയെടുത്ത ലുക്ക് സോഷ്യല് മീഡയയില് തരംഗം സൃഷ്ടിച്ചിരുന്നു. സ്റ്റൈലിഷ് ആയി ചിത്രീകരിച്ച ആക്ഷന് സീക്വന്സുകള് സിനിമയുടെ പ്രധാന ആകര്ഷണങ്ങളില് ഒന്നായിരിക്കും.
അഖിലിനൊപ്പം മലയാളത്തിന്റെ മെഗാ സ്റ്റാര് മമ്മൂട്ടിയും ചിത്രത്തില് ശക്തമായ കഥാപാത്രത്തെ അവതരിപ്പിക്കുന്നുണ്ട്. നവാഗതയായ സാക്ഷി വൈദ്യയാണ് അഖിലിന്റെ നായികയായി എത്തുന്നത്.
എകെ എന്റര്ടൈന്മെന്റ്സിന്റെയും സുരേന്ദര് 2 സിനിമയുടെയും ബാനറില് രാമബ്രഹ്മം സുങ്കര നിര്മ്മിക്കുന്ന ചിത്രത്തിന് വക്കന്തം വംശിയാണ് തിരക്കഥ ഒരുക്കിയിരിക്കുന്നത്.
തെന്നിന്ത്യന് യുവ തരംഗം ഹിപ് ഹോപ് തമിഴ ചിത്രത്തിനായി സംഗീതം ഒരുക്കുന്നു. റസൂല് എല്ലൂര് ആണ് ചായഗ്രഹ നിര്വ്വഹണം. ദേശീയ അവാര്ഡ് ജേതാവ് നവീന് നൂലി എഡിറ്റിംഗും അവിനാഷ് കൊല്ല കലാസംവിധാനവും നിര്വ്വഹിക്കുന്നു.
അജയ് സുങ്കര, പതി ദീപ റെഡ്ഡി എന്നിവരാണ് ചിത്രത്തിന്റെ സഹ നിര്മ്മാതാക്കള്.
എക്സിക്യൂട്ടീവ് പ്രൊഡ്യൂസര്- കിഷോര് ഗരികിപതി, കഥ- വക്കന്തം വംശി, ക്യാമറ- റസൂല് എല്ലൂര്, പിആര്ഒ- ശബരി.
Online PR - CinemaNewsAgency.Com
