സി എന്‍ എ-
കൊച്ചി:
ടിനു പാപ്പച്ചന്‍ സംവിധാനം ചെയ്യുന്ന ചിത്രം 'അജഗജാന്തരം' ക്രിസ്തുമസ്സിന് തീയേറ്ററുകളില്‍ എത്തും.
'സ്വാതന്ത്ര്യം അര്‍ദ്ധരാത്രിയില്‍' എന്ന സിനിമയുടെ വന്‍ വിജയത്തിന്‌ശേഷം ടിനു പാപ്പച്ചന്‍ സംവിധാനം ചെയ്യുന്ന ചിത്രമാണ് 'അജഗജാന്തരം'.
ആന്റണി വര്‍ഗ്ഗീസ്, ചെമ്പന്‍ വിനോദ് ജോസ്, അര്‍ജുന്‍ അശോക് എന്നിവര്‍ കേന്ദ്ര കഥാപാത്രങ്ങളായെത്തുന്ന ചിത്രത്തില്‍ സുധി കോപ്പ, രാജേഷ് ശര്‍മ്മ, ജാഫര്‍ ഇടുക്കി, കിച്ചു ടെല്ലസ്, സാബുമോന്‍ അബ്ദുസമദ്, വിജീലിഷ്, ലുക്ക്മാന്‍ അവറാന്‍, സിനോജ് വര്‍ഗ്ഗീസ്, വിനീത് വിശ്വം, ബിറ്റോ ഡേവിസ്, ടിറ്റോ വില്‍സണ്‍, ശ്രീരഞ്ജിനി തുടങ്ങിയ ഒരു നീണ്ട താരനിതന്നെ ഈ ചിത്രത്തില്‍ അഭിനയിക്കുന്നുണ്ട്.
ഒരു ഉത്സവപ്പറമ്പിലേക്ക് ഒരു ആനയും പാപ്പാനും എത്തുന്നതും തുടര്‍ന്നുള്ള 24 മണിക്കൂറില്‍ അവിടെ നടക്കുന്ന ആകാംക്ഷ നിറയ്ക്കുന്ന സംഭവങ്ങള്‍ നര്‍മ്മത്തിന്റെ മേമ്പൊടിയോടെ അവതരിപ്പിക്കുന്ന ചിത്രമാണിത്.
സില്‍വര്‍ ബേ സ്റ്റുഡിയോസിന്റെ ബാനറില്‍ ഇമ്മാനുവേല്‍ ജോസഫ്, അജിത്ത് തലാപ്പള്ളി എന്നിവരാണ് 'അജഗജാന്തരത്തിന്റെ നിര്‍മ്മാതാക്കള്‍.
തിരക്കഥ ഒരുക്കിയിരിക്കുന്നത് കിച്ചു ടെല്ലസ്, വിനീത് വിശ്വം എന്നിവര്‍ ചേര്‍ന്നാണ്.
ലൈന്‍ പ്രൊഡ്യൂസര്- മനു ടോമി, ഛായാഗ്രഹണം- ജിന്റോ ജോര്‍ജ്, എഡിറ്റിംഗ്- ഷമീര്‍ മുഹമ്മദ്, സംഗീതം- ജസ്റ്റിന്‍ വര്‍ഗീസ്, സൗണ്ട് ഡിസൈന്‍- രംഗനാഥ് രവി, ആര്‍ട്ട്- ഗോകുല്‍ ദാസ്, കോസ്റ്റ്യൂം- മഷര്‍ ഹംസ, മേക്കപ്പ്- റോണക്‌സ് സേവ്യര്‍, ആക്ഷന്‍- സുപ്രീം സുന്ദര്‍, ചീഫ് അസോസിയേറ്റ് ഡയറക്ടര്‍- കണ്ണന്‍ എസ് ഉള്ളൂര്‍, പ്രൊഡക്ഷന് കണ്ട്രോളര്- ബാദുഷ, പോസ്റ്റര്‍ ഡിസൈന്‍- അമല്‍ ജോസ്.
സെന്‍ട്രല്‍ പിക്‌ച്ചേഴ്‌സ് 'അജഗജാന്തരം' ക്രിസ്തുമസ്സിന് തീയേറ്ററുകളിലെത്തിക്കും.
വാര്‍ത്ത പ്രചരണം എം.എം. കമ്മത്ത്
Online PR - CinemaNewsAgency.Com
