MM Kamath
കൊച്ചി:
ജിതിന് ലാല് സംവിധാനം ചെയ്യുന്ന 'അജയന്റെ രണ്ടാം മോഷണം' എന്ന ചിത്രത്തില് ടൊവിനോ ട്രിപ്പിള് റോളിലാകും എത്തുക.
മൂന്ന് കാലഘട്ടങ്ങളിലൂടെ സഞ്ചരിക്കുന്ന ചിത്രമായിരിക്കും 'അജയന്റെ രണ്ടാം മോഷണം'. 1900, 1950, 1990 എന്നീ കാലഘട്ടങ്ങളിലുടെ കടന്നു പോകുന്ന ചിത്രത്തില് മണിയന്, കുഞ്ഞിക്കേളു, അജയന് എന്നിങ്ങനെ മൂന്ന് വ്യത്യസ്ത കഥാപാത്രങ്ങളായിട്ടാണ് ടൊവിനൊ തോമസ് എത്തുക.
'കല്ക്കി', 'ഗോദ' തുടങ്ങിയ ചിത്രങ്ങളുടെ അസോസിയേറ്റ് ഡയറക്ടറാണ് സംവിധായകന് ജിതിന് ലാല്. കൂടാതെ ഷോര്ട്ട് ഫിലിമുകളും ശ്രദ്ധേയ ആല്ബം 'ബോധി, ഗതി, മുക്തിയും' സംവിധാനം ചെയ്തത് ജിതിനാണ്.
'അമര് അക്ബര് ആന്റണി', 'കട്ടപ്പനയിലെ ഹൃതിക്ക് റോഷന്', 'ഒരു ബോംബ് കഥ' എന്നിങ്ങനെയുള്ള ഹിറ്റ് ചിത്രങ്ങള് നിര്മ്മിച്ച യൂ.ജി.എം. എന്റെര്ടെയിന്ന്മെന്റ് ആണ് 'അജയന്റെ രണ്ടാം മോഷണം' നിര്മ്മിക്കുന്നത്.
ടൊവിനോ തോമസ് ആദ്യമായി ട്രിപ്പിള് റോളില് എത്തുന്ന 'അജയന്റെ രണ്ടാം മോഷണം' പോസ്റ്റര് കഴിഞ്ഞ ദിവസം സംവിധായകന് ജിതിന് പുറത്തുവിട്ടിരുന്നു. '9 ഈയേഴ്സ് ഓഫ് ടൊവിനോ തോമസ്' എന്ന എന്ന കാപ്ഷനോടെയാണ് പോസ്റ്റര് പങ്കുവെച്ചത്.
ഗൗരവകരമായി ഇരിക്കുന്ന് ടൊവിനോ തോമസിനെയാണ് പോസ്റ്ററില് കാണാവുന്നത്. താരത്തിന്റെ പുതിയ ലുക്കും സമൂഹമാധ്യമങ്ങളില് ചര്ച്ചയാവുകയാണ്.
കൂടാതെ ഇതിന് മുന്പ് പുറത്തിറങ്ങിയ മോഷന് പോസ്റ്ററിലെ 'ചീയോതിക്കാവിലെ ത്രിമൂര്ത്തികളുടെ മായക്കാഴ്ച്ചകള്ക്കായി കാത്തിരിക്കാം' എന്ന വാചകങ്ങള് ഒരു സസ്പെന്സ് ത്രില്ലര് ചിത്രത്തിന്റെ സൂചനയാണ് നല്കുന്നത്.
കണ്ണൂര്, കാസര്ഗോഡ്, വയനാട് എന്നിവിടങ്ങളാണ് ചിത്രത്തിന്റെ പ്രധാന ഷൂട്ടിംഗ് ലൊക്കേഷനുകള്.
സുജിത് നമ്പ്യാരാണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. ദിബു നിനന് തോമസാണ് ചിത്രത്തിന്റെ സംഗീത സംവിധാനം നിര്വ്വഹിക്കുന്നത്. അഡിഷണല് സ്ക്രീന്പ്ലേ- ദീപു പ്രദീപ്, എഡിറ്റിംഗ്- ക്രിസ്റ്റി സെബാസ്റ്റ്യന്. ചിത്രത്തിലെ മറ്റ് കഥാപാത്രങ്ങളുടെ വിവരങ്ങള് പുറത്തുവിട്ടിട്ടില്ല.
Online PR - CinemaNewsAgency.Com