സി എന് എ-
കൊച്ചി:
'യുവം' എന്ന ചിത്രത്തിനു ശേഷം അമിത് ചക്കാലക്കല് നായകനാവുന്ന 'സന്തോഷം' എന്ന സിനിമയുടെ ഒഫീഷ്യല് ടൈറ്റില് പോസ്റ്റര് വിജയ് സേതുപതി തന്റെ ഫെയ്സ്ബുക്ക് പേജിലൂടെ റിലീസ് ചെയ്തു.
മിസ് എന് സീന് എന്റര്ടെയ്ന്മെന്റ്സിന്റെയും റെട്ട്കോണ് സിനിമാസിന്റെയും ബാനറില് ഇഷാ പറ്റാലി, തുഷാര് എസ്, അജിത് തോമസ് എന്നിവര് ചേര്ന്ന് നിര്മ്മിക്കുന്ന ചിത്രത്തിന്റെ സംവിധാനം നിര്വഹിക്കുന്നത് നവാഗതനായ അജിത്ത് തോമസാണ്. തിരക്കഥ അര്ജുന് സത്യനാണ്.
'കൈദി'യിലൂടെ ശ്രദ്ധിക്കപ്പെട്ട ബേബി മോണിക്ക ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നു. സിനിമാറ്റോഗ്രാഫി- കാര്ത്തിക് എ, എഡിറ്റര്- ജോണ്കുട്ടി, സംഗീതസംവിധാനം- നോബിന് പോള്, കോസ്റ്റ്യൂം ഡിസൈനര്- സമീറ സനീഷ്, ആര്ട്ട്- രാജീവ് കോവിലകം, മേയ്ക്കപ്പ്- സുധി സുരേന്ദ്രന്, പി.ആര്.ഒ- സുനിത സുനില്.