സി എന്‍ എ-
മുംബൈ:
സിനിമയിലേക്ക് ചുവടെടുത്ത് വെയ്ക്കും മുമ്പേ തന്നെ വാര്‍ത്താ പ്രാധാന്യം നേടിയ നടിയാണ് ഹൈദരാബാദ് സുന്ദരി അമ്രിന് ഖുറേഷി.
അരങ്ങേറ്റം മിഥുന്‍ ചക്രവര്‍ത്തിയുടെ പുത്രന്‍ നമാഷി ചക്രവര്‍ത്തിക്കൊപ്പം പ്രശസ്ത ബോളിവുഡ് സംവിധായകന്‍ രാജ് കുമാര്‍ സന്തോഷിയുടെ 'ബാഡ് ബോയ്' എന്ന സിനിമയിലൂടെ. ആനന്ദലബ്ദിക്ക് ഇനിയെന്ത് വേണം. കഴിഞ്ഞ ദിവസങ്ങളില്‍ ഈ സിനിമയുടെ ഗാന ചിത്രീകരണം ഹൈദരാബാദിലെ അന്നപൂര്‍ണാ സ്റ്റുഡിയോയില്‍ നടന്നു. കോടികള്‍ മുടക്കി തയ്യാറാക്കിയ സെറ്റില്‍ വെച്ച് നടന്ന ഗാനരംഗത്തിന്റെ സ്റ്റില്ലുകള്‍ അമ്രിന് തന്റെ ട്വിറ്റര്‍ പേജില്‍ പങ്കു വെച്ചപ്പോള്‍ അക്ഷരാര്‍ത്ഥത്തില്‍ ബോളിവുഡ് സിനിമാ പ്രേമികള്‍ മാത്രമല്ല ബോളിവുഡ് സിനിമാ ലോകവും അമ്പരന്നു പോയി. ആരാധകരുടെയും സിനിമാ ലോകത്തിന്റെയും ശ്രദ്ധ ഒന്നടങ്കം തന്നിലേക്ക് ആകര്‍ഷിക്കുവാന്‍ വേണ്ടിയും മദാലസയായി ആരാധക മനസ്സില്‍ ചേക്കേറുവാനും വേണ്ടി അതീവ ഗ്ലാമറസായി അഭിനയിച്ചതിന്റെ ചിത്രങ്ങള്‍ സോഷ്യല്‍ മീഡിയയില്‍ തരംഗമാവുകയാണ്. ആദ്യചിത്രത്തില്‍ തന്നെ തന്റെ സൗന്ദര്യം ക്യാമറക്കു മുന്നില്‍ പ്രദര്‍ശിപ്പിക്കാന്‍ സന്മനസ്സ് കാണിച്ച അമ്രിന് ഖുറേഷി ബോളിവുഡിന്റെ മാത്രമല്ല കോളിവുഡിന്റെയും ടോളിവുഡിന്റെയും ശ്രദ്ധാ കേന്ദ്രമായി മാറിയിരിക്കയാണ്. തെന്നിന്ത്യന്‍ സിനിമയിലെ പല പ്രഗല്‍ഭ സംവിധായകരും നായകന്മാരും ഇതിനോടകം തന്നെ അമ്രിനെ തങ്ങളുടെ സിനിമയിലേക്ക് സ്വാഗതം ചെയ്തു സമീപിച്ചു തുടങ്ങിയത്രേ. 'ഞാന്‍ ഹാപ്പിയാണ് ... സിനിമയില്‍ കാലെടുത്ത് വെച്ചപ്പോള്‍ തന്നെ വലിയ സ്വീകരണമാണ് കിട്ടിയത്. ഇപ്പോള്‍ രണ്ടു ഹിന്ദി സിനിമകള്‍ പൂര്‍ത്തിയാകാനുണ്ട്. ഒപ്പം തമിഴ് തെലുങ്ക് സിനിമകളില്‍ നിന്നും ക്ഷണവുമുണ്ട് ഭാഷാ ഭേദമന്യേ ഇന്ത്യന്‍ സിനിമയില്‍, നായികമാരില്‍ ദേശീയ താരമാവണമെന്നാണ് എന്റെ ആഗ്രഹം. ഗ്ലാമറിന്റെ കാര്യത്തില്‍ മാത്രമല്ല അഭിനയത്തിലും നല്ല പ്രകടനം കാഴ്ച വെക്കാന്‍ കഴിയും എന്ന ആത്മ വിശ്വാസം എനിക്കുണ്ട്.ഞാന്‍ എന്നെ സിനിമക്ക് സമര്‍പ്പിച്ചു കഴിഞ്ഞു' എന്ന് അമ്രിന് ഖുറേഷി.
-സി.കെ.അജയ് കുമാര്‍
