സി എന് എ-
കൊച്ചി:
ദക്ഷിണേന്ത്യയിലെ ഏറ്റവും മികച്ച സംവിധായകരിലൊരാളായ ഐ.വി. ശശിയുടെയും പ്രശസ്ത അഭിനേത്രി സീമയുടെയും മകന് അനി ഐ.വി. ശശി രചനയും സംവിധാനവും നിര്വഹിക്കുന്ന 'നിന്നില നിന്നില' എന്ന തെലുങ്ക് സിനിമയുടെ ചിത്രീകരണം പൂര്ത്തിയായി.
അശോക് സെല്വന്, നിത്യാമേനോന്, ഋതുവര്മ്മ എന്നിവരെ കേന്ദ്ര കഥാപാത്രങ്ങളാക്കി ഒരുക്കുന്ന ചിത്രത്തിന്റെ ടീസര് കഴിഞ്ഞ ദിവസം മോഹന്ലാല് തന്റെ ഫേസ്ബുക്ക് പേജിലൂടെ പങ്കുവെക്കുകയുണ്ടായി.
ശ്രീവെങ്കിടേശ്വര സിനി ചിത്രയുടെ ബാനറില് ബി.വി.എസ്.എന് പ്രസാദ് നിര്മ്മിക്കുന്ന 'നിന്നില നിന്നില'യുടെ സംഗീത സംവിധാനം നിര്വഹിക്കുന്നത് രാജേഷ് മുരുകേശനാണ്. ഛായാഗ്രഹണം ദിവാകര് മണി നിര്വ്വഹിക്കുന്നു.
പ്രിയദര്ശന്റെ സഹസംവിധായകനായി 'ആക്രോശ്', തേസ', 'കമാല്, ധമാല്, മാലാമല്', 'രംഗ്രേസ്' തുടങ്ങിയ ഹിന്ദി ചിത്രങ്ങളിലും 'അറബിയും ഒട്ടകവും പി. മാധവന് നായരും', 'ഗീതാഞ്ജലി', 'ആമയും മുയലും', 'ഒപ്പം' എന്നീമലയാള ചിത്രങ്ങളിലും 'സില സമയങ്ങളില്' എന്ന തമിഴ് സിനിമയിലും പ്രവര്ത്തിച്ചു നേടിയ പരിചയസമ്പത്തുമായാണ് അനി സ്വാതന്ത്ര സംവിധായകനാകുന്നത്.
പ്രിയദര്ശന് മോഹന്ലാല് ടീം ഒരുക്കുന്ന ബ്രഹ്മാണ്ഡ ചിത്രമായ 'മരയ്ക്കാര് അറബിക്കടലിന്റെ സിംഹം' എന്ന സിനിമയുടെ അസോസിയേറ്റ് ഡയറക്ടറും സഹ രചയിതാവുമാണ് അനി ഐ വി ശശി.
'ബില്ല 2', സൂധു കാവും', 'പിസ്സ 2', 'ഓ മൈ കടവുളേ' എന്നീ ചിത്രങ്ങളിലൂടെ ശ്രദ്ധേനായ അശോക് ശെല്വന്റെ ആദ്യ തെലുങ്ക് ചിത്രമാണ് 'നിന്നില നിന്നില'. 'മരയ്ക്കാര് അറബിക്കടലിന്റെ സിംഹത്തിലൂടെ മലയാളത്തിലും അരങ്ങേറ്റം കുറിക്കാനൊരുങ്ങുകയാണ് അശോക് ശെല്വന്. 'കണ്ണും കണ്ണും കൊള്ളയടിത്താല്' എന്ന ചിത്രത്തില് ദുല്ഖര് സല്മാന്റെ ജോഡിയായി അഭിനയിച്ച ഋതുവര്മ്മയാണ് അനിയുടെ ചിത്രത്തിലെ നായിക.
'തീനി' എന്ന പേരില് തമിഴിലും റിലീസ് ചെയ്യാനൊരുങ്ങുന്ന ചിത്രം ജൂലൈയില് തിയേറ്ററുകളിലെത്തിക്കാനാണ് അണിയറ പ്രവര്ത്തകരുടെ ശ്രമം.