സി എന് എ-
തിരു:
പ്രശസ്ത കവിയും ഗാനരചയിതാവുമായ അനില്പനച്ചൂരാന് തിരുവനന്തപുരത്ത് അന്തരിച്ചു. അസുഖബാധിതനായി കിംസ് ആശുപത്രിയില് ചികിത്സയിലായിരിക്കെയാണ് മരണം സംഭവിച്ചത്.
'അറബിക്കഥ' എന്ന സിനിമയ്ക്കുവേണ്ടി 'ചോര വീണ മണ്ണില് നിന്നുയര്ന്നു വന്ന പൂമരം....' എന്നെഴുതിയ ചോരപൊടിയുന്ന ആ ഒരു ഗാനം കൊണ്ട് തന്നെ മലയാള ചലച്ചിത്ര ഗാന രംഗത്ത് പ്രശസ്തി നേടിയ ഗാനരചയിതാണ് അനില് പനച്ചൂരാന്. സിനിമയ്ക്കു വേണ്ടി അനില് പനച്ചൂരാന് എഴുതിയ ആദ്യ ഗാനമാണിത്. 'മാടമ്പി', 'ഭ്രമരം', 'കഥപറയുമ്പോള്', 'നസ്രാണി' തുടങ്ങി വലുതും ചെറുതുമായ ഒരുപിടി സിനിമകള്ക്കു വേണ്ടി ഗാനരചന നിര്വഹിച്ചിട്ടുള്ള അനില് പനച്ചൂരാന് 56മത്തെ വയസ്സിലാണ് വിടവാങ്ങുന്നത്.
നാളെ (4-1-2021) കുളത്തുപ്പുഴയില് ഷൂട്ടിംങ് ആരംഭിക്കുന്ന ഇന്ദ്രന്സ് നായകനാവുന്ന 'വിത്തിന് സെക്കന്ഡ്സ്' എന്ന ചിത്രത്തിനു വേണ്ടിയാണ് അനില് പനച്ചുരാന് അവസാനമായി വരികള് എഴുതിയത്.
രഞ്ജിന് രാജ് ആണ് സംഗീത സംവിധായകന്. വിജീഷ് പി വിജയന് ആണ് 'വിത്തിന് സെക്കന്റസ്' സംവിധാനം ചെയ്യുന്നത്.