CNA
കൊച്ചി:
'ആര് ഡി എക്സ്' എന്ന ചിത്രത്തിന് സംഘട്ടനമൊരുക്കാന് 'കെ ജി എഫ്', 'കൈതി', 'വിക്രം', 'ബീസ്റ്റ്' എന്നീ സൂപര് ഹിറ്റ് ചിത്രങ്ങളുടെ പിന്നണിയില് പ്രവര്ത്തിച്ച അന്പറിവ് സഹോദരന്മാര് എത്തുന്നു..!
ദേശി സൂപ്പര്ഹീറോ കഥ പറഞ്ഞ് ഇന്റര്നാഷണല് റീച്ച് നേടിയ 'മിന്നല് മുരളി'ക്ക് ശേഷം 'ആര് ഡി എക്സ്' എന്ന മാസ്സ് ആക്ഷന് ചിത്രവുമായാണ് വീക്കെന്ഡ് ബ്ലോക്ക്ബസ്റ്റേഴ്സ് എത്തുന്നത്.
'ബാംഗ്ലൂര് ഡേയ്സ്', 'കാട് പൂക്കുന്ന നേരം', 'മുന്തിരിവള്ളികള് തളിര്ക്കുമ്പോള്', 'പടയോട്ടം', 'മിന്നല് മുരളി' തുടങ്ങിയ സൂപ്പര്ഹിറ്റ് ചിത്രങ്ങള് മലയാളികള്ക്ക് സമ്മാനിച്ചിട്ടുള്ള സോഫിയ പോളിന്റെ ഉടമസ്ഥതയിലുള്ള വീക്കെന്ഡ് ബ്ലോക്ക്ബസ്റ്റേഴ്സിന്റെ ബാനറില് ഒരുങ്ങുന്ന 'R D X' (റോബര്ട്ട് ഡോണി സേവ്യര്) എന്ന പുതിയ ചിത്രത്തിന്റെ സംവിധാനം നിര്വ്വഹിക്കുന്നത് നവാഗതനായ നഹാസ് ഹിദായത്താണ്.
ഷെയ്ന് നിഗം, ആന്റണി വര്ഗീസ്, നീരജ് മാധവ് എന്നിങ്ങനെ പ്രേക്ഷകപ്രിയ താരങ്ങള് അണിനിരക്കുന്ന ഈ മള്ട്ടിസ്റ്റാര് ചിത്രത്തിന്റെ ഷൂട്ടിംഗ് ഉടന് തന്നെ ആരംഭിക്കുന്നതാണ്.
ചിത്രത്തിലെ മറ്റ് അഭിനേതാക്കളുടെയും അണിയറപ്രവര്ത്തകരുടെയും വിവരങ്ങള് വരുംദിവസങ്ങളില് പുറത്തുവിടും എന്നാണ് അറിയുവാന് സാധിക്കുന്നത്. പ്രൊഡക്ഷന് കണ്ട്രോളര്- ജാവേദ് ചെമ്പ്, പി ആര് ഒ- ശബരി.
ഇപ്പോഴിതാ ആരാധകരെ ആവേശം കൊള്ളിക്കുന്ന മറ്റൊരു വാര്ത്ത നിര്മ്മാതാക്കള് പുറത്തു വിട്ടിരിക്കുകയാണ്.
'കെ ജി എഫ്', 'വിക്രം', 'ബീസ്റ്റ്' തുടങ്ങിയ ചിത്രങ്ങള്ക്ക് സംഘട്ടനം ഒരുക്കിയ അന്പറിവാണ് ഈ ചിത്രത്തിന്റെ ആക്ഷന് രംഗങ്ങള് കൈകാര്യം ചെയ്യുന്നത് എന്ന സന്തോഷമാണ് വീക്കെന്ഡ് ബ്ലോക്ക്ബാസ്റ്റേഴ്സ് വെളിപ്പെടുത്തിയിരിക്കുന്നത്.
ആക്ഷന് ചിത്രങ്ങളെ സ്നേഹിക്കുന്ന പ്രേക്ഷകര്ക്ക് വലിയൊരു വിരുന്ന് തന്നെ പ്രതീക്ഷിക്കാം എന്നര്ത്ഥം.
'ബാച്ചിലര് പാര്ട്ടി', 'രാമലീല', 'കമ്മാര സംഭവം' തുടങ്ങിയ നിരവധി മലയാള ചിത്രങ്ങള്ക്കും ആക്ഷന് കൊറിയോഗ്രാഫി നിര്വഹിച്ചിട്ടുള്ള ഈ ഇരട്ടസഹോദരന്മാര് 'കെ ജി എഫി ചാപ്റ്റര് 1'ലെ സംഘട്ടനം ഒരുക്കിയതിന് മികച്ച സംഘട്ടനത്തിനുള്ള ദേശീയ അവാര്ഡും കരസ്ഥമാക്കിയിരുന്നു.
സ്റ്റണ്ട് ശിവ, പീറ്റര് ഹെയ്ന്, വിജയന്, തുടങ്ങി നിരവധി പ്രമുഖ സംഘട്ടന സംവിധായകരുടെ സഹായികളായി പ്രവര്ത്തിച്ചിട്ടുള്ള അന്പറിവ് ആദ്യമായി സ്വതന്ത്ര സംഘട്ടനസംവിധായകരായത് വിജയ് സേതുപതി നായകനായ 'ഇഥര്ക്കുതാനെ ആശൈപ്പട്ടൈ ബാലകുമാരാ' എന്ന ചിത്രത്തിലൂടെയാണ്. പിന്നീട് തമിഴ്, തെലുങ്ക്, കന്നഡ, മലയാളം, ഹിന്ദി ഭാഷകളിലായി നൂറോളം ചിത്രങ്ങള്ക്ക് പിന്നില് ഇവര് പ്രവര്ത്തിച്ചുക്കഴിഞ്ഞു.
'വിക്രം', 'ബീസ്റ്റ്', 'കെ ജി എഫ്', 'എതര്ക്കും തുനിന്തവന്', 'സര്പ്പട്ട പരമ്പരൈ', 'രാധേ', 'കൈതി', 'സിംഗം 3', '24', 'കബാലി' തുടങ്ങിയവയാണ് ഇവര് പ്രവര്ത്തിച്ച പ്രധാന ചിത്രങ്ങള്.
ശിവകാര്ത്തികേയന് നായകനായ 'അയലാന്', രാംചരണ് ചിത്രം, പ്രഭാസ് നായകനാകുന്ന 'സലാര്' എന്നിവയാണ് ചിത്രീകരണം പുരോഗമിക്കുന്ന മറ്റ് അന്പറിവ് ചിത്രങ്ങള്.
Online PR - CinemaNewsAgency.Com