സി എന് എ-
കൊച്ചി:
ചലച്ചിത്ര നിര്മാതാവ് ആന്റണി പെരുമ്പാവൂരിന്റെ മകള് ഡോക്ടര് അനിഷ വിവാഹിതയായി. പെരുമ്പാവൂര് ചക്കിയത്ത് ഡോ: വിന്സന്റിന്റെയും സിന്ധുവിന്റെയും മകന് ഡോക്ടര് എമില് ആണ് വരന്. എറണാകുളത്ത് പള്ളിയില് വച്ച് നടന്ന വിവാഹ ചടങ്ങിലും അതിനോടനുബന്ധിച്ച് പിന്നീട് നടന്ന റിസപ്ഷനിലും നടന് മോഹന്ലാല് കുടുംബസമേതം പങ്കെടുക്കുകയുണ്ടായി. ഏറെ നാളുകള്ക്കു ശേഷമാണ് മോഹന്ലാല് ഭാര്യയും മക്കളും ഒരുമിച്ച് കുടുംബസമേതം ഒരു ചടങ്ങില് പങ്കെടുക്കുന്നത്. നവംബര് 29ന് കൊച്ചിയില് വച്ചായിരുന്നു എമിലിന്റെയും അനിഷയുടെയും വിവാഹനിശ്ചയം. എമിലിന്റെ അമ്മ സിന്ധു പാലാ മുന്സിപ്പല് ചെയര്മാന് ആയിരുന്ന പരേതനായ ജോസ് പടിഞ്ഞാറേക്കരയുടെ മകളാണ്. 'പൂമുഖപ്പടിയില് നിന്നെയും കാത്ത്' എന്ന ചിത്രത്തിന്റെ നിര്മാതാവു കൂടിയാണ് അദ്ദേഹം.