സി എന് എ-
മുംബൈ:
സില്ക്ക് സ്മിതയുടെ ബയോപിക്കില് നായികയായി അഭിനയിക്കുന്നു എന്ന വാര്ത്തകള് നിഷേധിച്ച് നടി അനസൂയ ഭരദ്വാജ്. സില്ക്ക് സ്മിതയായി താന് ഒരു ബയോപിക്കിലും അഭിനയിക്കില്ലെന്ന് അനസൂയ ട്വിറ്ററിലൂടെ അറിയിച്ചു.
കെഎസ് മണികണ്ഠന് സംവിധാനം ചെയ്യുന്ന 'അവള് അപ്പടിതാന്' എന്ന സിനിമയില് അനസൂയ സില്ക് സ്മിത ആവുന്നെന്നായിരുന്നു പ്രചരിച്ച വാര്ത്ത. കഴിഞ്ഞ ദിവസം അനസൂയ തന്റെ സോഷ്യല് മീഡിയ പേജില് പങ്കുവെച്ച ചിത്രത്തിന് പിന്നാലെയാണ് അനസൂയ സില്ക്ക് സ്മിതയുടെ ബയോപിക്കില് നായികയായി അഭിനയിക്കുന്നു എന്ന വാര്ത്തകള് പ്രചരിച്ചത്.
ചിരഞ്ജീവിയുടെ 'ആചാര്യ', അല്ലു അര്ജുന്റെ ചിത്രം 'പുഷ്പ', രവി തേജയുടെ 'കിലാഡി' എന്നീ ചിത്രങ്ങളിലാണ് അനസൂയ ഇപ്പോള് അഭിനയിച്ച്കൊണ്ടിരിക്കുന്നത്.