സി എന് എ-
കൊച്ചി:
ടൊവീനോ തോമസിനെ നായകനാക്കി നവാഗതനായ ഡാര്വിന് കുര്യാക്കോസ് ഒരുക്കുന്ന 'അന്വേഷിപ്പിന് കണ്ടെത്തും' എന്ന പുതിയ ചിത്രത്തിന്റെ ഫസ്റ്റ്ലുക്ക് പോസ്റ്റര് റിലീസ് ചെയ്തു.
ടൊവീനോയുടെ പിറന്നാളിനോടനുബന്ധിച്ചാണ് പോസ്റ്റര് റിലീസ് ചെയ്തിരിക്കുന്നത്.
മോഹന്ലാല്, മഞ്ജു വാര്യര്, പൃഥ്വിരാജ് സുകുമാരന്, ജയസൂര്യ, ബിജു മേനോന്, കുഞ്ചാക്കോ ബോബന്, ഇന്ദ്രജിത്ത് സുകുമാരന്, ആസിഫലി, ഉണ്ണി മുകുന്ദന്, ആന്റണി വര്ഗീസ്, ഐശ്വര്യലക്ഷ്മി എന്നിവരാണ് സിനിമയുടെ ഫസ്റ്റ് ലുക്ക് പുറത്തുവിട്ടത്.
'അന്വേഷണങ്ങളുടെ കഥയല്ല... അന്വേഷകരുടെ കഥ...' എന്നതാണ് ഫസ്റ്റ്ലുക്ക് പോസ്റ്ററിലെ ടാഗ് ലൈന്.
തൊണ്ണൂറുകളുടെ പശ്ചാത്തലത്തില് കഥ പറയുന്ന ഒരു ത്രില്ലര് ചിത്രമായിരിക്കു 'അന്വേഷിപ്പിന് കണ്ടെത്തും'.
ടോവിനോയെ കൂടാതെ അറുപതോളം താരങ്ങളും ഈ ചിത്രത്തില് അഭിനയിക്കുന്നുണ്ട്.
'ആദം ജോണ്', 'കടുവ' തുടങ്ങിയ സിനിമകളുടെ തിരക്കഥാകൃത്തായ ജിനു വി. എബ്രഹാം ആണ് ഈ ചിത്രത്തിന്റെ തിരക്കഥ എഴുതിയിരിക്കുന്നത്.
പ്രശസ്ത തമിഴ് സംഗീതഞ്ജന് സന്തോഷ് നാരായണന് ആണ് സംഗീത സംവിധാനം നിര്വ്വഹിക്കുന്നത്.
തമിഴില് കാര്ത്തിക് സുബ്ബരാജ്, പാ രഞ്ജിത്ത്, നളന് കുമരസ്വാമി എന്നിവരുടെ ചിത്രങ്ങള്ക്കും സംഗീത സംവിധാനവും ബാക്ക് ഗ്രൗണ്ട് സ്കോറും ഒരുക്കിയത് സന്തോഷ് നാരായണന് ആണ്. കാര്ത്തിക് സുബ്ബരാജിന്റെ 'ജഗമേ തന്തിരം' ആണ് സന്തോഷ് നാരായണന്റെ വരാനിരിക്കുന്ന പ്രധാന ചിത്രം.
സന്തോഷ് നാരായണന് സംഗീതം നിര്വഹിക്കുന്ന ആദ്യ മലയാളചിത്രമാണിത്. ഛായാഗ്രഹണം- ഗിരീഷ് ഗംഗാധരന്, എഡിറ്റിങ്- സൈജു ശ്രീധരന്. സിനിമയുടെ ചിത്രീകരണം ഉടന് ആരംഭിക്കും. കലാസംവിധാനം- മോഹന്ദാസ്, വസ്ത്രാലങ്കാര- സമീറ സനീഷ്, മേയ്ക്കപ്പ്- സജി കാട്ടാക്കട, പ്രൊഡക്ഷന് കണ്ട്രോളര്- ബെന്നി കട്ടപ്പന.