ന്യൂസ് ഡെസ്ക്-
കൊച്ചി :
സംസ്ഥാനത്തെ ആദ്യ ആപ്പിള് 5ജി സ്മാര്ട് ഫോണായ ഐ ഫോണ് 12 PRO മെഗാസ്റ്റാര് മമ്മൂട്ടി സ്വന്തമാക്കി. ഐഫോണിന്റെ ഏറ്റവും പുതിയ മോഡല് ആപ്പിള് ഐഫോണ് 12 പ്രോ മാക്സ് മൊബൈല് കിംഗ് എം.ഡി, ടി.എം ഫയാസ് മമ്മൂട്ടിക്ക് നല്കി കേരളത്തിലെ ആദ്യവില്പ്പന നിര്വ്വഹിച്ചു.
ഒക്ടോബര് 13നാണ് ഐഫോണ് 12 സീരിസില് നാലു സീരിസുകള് പുതുതായി ലോഞ്ച് ചെയ്തത്. 5ജി ടെക്നോളജിയിലെ ആപ്പിളിന്റെ ആദ്യ 5ജി സ്മാര്ട്ഫോണ് ആണ് ഐഫോണ് 12 സീരിസ്. ഇന്നലെയാണ് ആപ്പിള് ഐഫോണ് 12 മോഡലുകള് ഇന്ത്യയില് ലഭ്യമായി തുടങ്ങിയത്.
1,29,900 രൂപ മുതലാണ് ഐഫോണ് 12 പ്രോമാക്സ് ഫോണുകളുടെ വില വരുന്നത്. ഗ്രാഫൈറ്റ്, ഗോള്ഡ്, സില്വര്, പസഫിക് ബ്ലൂ എന്നീ നിറങ്ങളില് ഐഫോണ് 12 പ്രോമാക്സ് ലഭ്യമാണ്. ഐഫോണ് 12 പ്രോ മാക്സിന് ടെലിഫോട്ടോ ക്യാമറയാണ് ഉള്ളത്. ഈ ക്യാമറയില് 65 എംഎം ഫോക്കല് ലെങ്ങ്ത്തുള്ള ക്യാമറയുണ്ട്. ഇത് 2.5x ഒപ്റ്റിക്കല് സൂമും 5x സൂം റേഞ്ചും നല്കുന്നു.
മെച്ചപ്പെട്ട അള്ട്രാവൈഡ് ആംഗിള് ക്യാമറയും ഇവയ്ക്കുണ്ട്. കുറഞ്ഞ ലൈറ്റില് ക്വാളിറ്റിയുള്ള ചിത്രങ്ങള് എടുക്കാനും വീഡിയോ സ്റ്റെബിലൈസേഷന് മെച്ചപ്പെടുത്താനും പുതിയ ഇമേജ് സെന്സറുകള്ക്ക് സാധിക്കുന്നു. യൂസര് ഫ്രെണ്ട്ലി ആയ ഇമേജ് എഡിറ്റിംഗ് ആപ്ലിക്കേഷനുകള്ക്ക് ഈ ഡിവൈസുകളില് സപ്പോര്ട്ട് നല്കുമെന്ന് ആപ്പിള് അറിയിച്ചിട്ടുണ്ട്. ഐഫോണ് 12 പ്രോ സീരീസില് എച്ച്ഡിആര് വീഡിയോ റെക്കോര്ഡിംഗിനും ഡോള്ബി വിഷന് എച്ച്ഡിആറിനുമുള്ള സപ്പോര്ട്ടുമുണ്ട്.