ഇന്റര്‍നാഷനല്‍ ഡെസ്‌ക്‌
ഓഹിയോ:
പ്രശസ്ത ഹോളിവുഡ് നടന്‍ അര്‍ണോള്‍ഡ് ഷ്വാര്‍സനെഗര്‍ ഹൃദയ ശസ്ത്രക്രിയക്ക് ശേഷം സുഖം പ്രാപിച്ചുവരുന്നു. വിവരം സാമൂഹിക മാധ്യമങ്ങളിലൂടെ അദ്ദേഹം തന്നെ ലോകത്തെ അറിയിക്കുകയായിരുന്നു. 'Thanks to the team at the Cleveland Clinic, I have a new aortic valve to go along with my new pulmonary valve from my last surgery. I feel fantastic and have already been walking the streets of Cleveland enjoying your amazing statues. Thank you to every doc and nurse on my team!' എന്നാണ് ശസ്ത്രക്രിയക്കുശേഷമുള്ള അദ്ദേഹത്തിന്റെ പ്രതികരണം. ലോകത്തെ സിനിമാപ്രേമികള്‍ അദ്ദേഹത്തിന്റെ പോസ്റ്റില്‍ സ്‌നേഹം അറിയിച്ചുകൊണ്ടിരിക്കുകയാണ്. താന്‍ പൂര്‍ണ ആരോഗ്യവാനായിത്തന്നെ ഇരികുന്നുവെന്നും അദ്ദേഹം ട്വീറ്റ് ചെയ്തറിയിച്ചു. ട്വിറ്ററിലും ഇന്‍സ്റ്റാഗ്രാമിലും പോസ്റ്റ് ചെയ്ത ആശുപത്രിയില്‍നിന്നുള്ള അദ്ദേഹത്തിന്റെ ചിത്രത്തോടു കൂടിയ കുറിപ്പ് ഇപ്പോള്‍ വൈറലാവുകയാണ്. അര്‍ണോള്‍ഡ് 2018ലും അതിനുമുമ്പ് 1997ലും അദ്ദേഹം ഹൃദയ സംബന്ധമായ പ്രശ്‌നങ്ങള്‍ക്ക് ചികിത്സ തേടുകയും ശസ്ത്രക്രിയകള്‍ക്ക് വിധേയനാവുകയും ചെയ്തിരുന്നു.
