സി എന് എ-
ചെന്നൈ:
തമിഴ് നടനും ഡബ്ബിങ് ആര്ട്ടിസ്റ്റുമായ അരുണ് അലക്സാണ്ടര് (48) അന്തരിച്ചു. ഹൃദയാഘാതത്തെ തുടര്ന്നായിരുന്നു അന്ത്യം.
സംവിധായകന് ലോകേഷ് കനകരാജാണ് ട്വിറ്ററിലൂടെ അദ്ദേഹത്തിന്റെ മരണവാര്ത്ത അറിയിച്ചത്. 'കൊലമാവ് കോകില'യിലൂടെയാണ് അരുണ് ശ്രദ്ധനേടുന്നത്. പിന്നീട് കൈതി, ബിഗില് തുടങ്ങിയ സിനിമകളില് ശ്രദ്ധേയ വേഷത്തില് അദ്ദേഹം അഭിനയിച്ചിട്ടുണ്ട്.
'മാസ്റ്റര്', ശിവകാര്ത്തികേയന്റെ 'ഡോക്ടര്' എന്നീ ചിത്രങ്ങളിലാണ് അദ്ദേഹം അവസാനമായി അഭിനയിച്ചത്.
അവഞ്ചേര്സ്, അക്വാമാന് തുടങ്ങിയ ഹോളിവുഡ് സിനിമകളുടെ തമിഴ് പതിപ്പുകളിലെ പ്രധാന കഥാപാത്രങ്ങള്ക്കു ശബ്ദം നല്കിയിരുന്നത് അരുണ് ആയിരുന്നു.