സി എന് എ-
കൊല്ക്കത്ത:
ബോളിവുഡ് താരം ആര്യ ബാനര്ജിയെ കൊല്ക്കത്തയിലെ അപ്പാര്ട്മെന്റില് മരിച്ച നിലയില് കണ്ടെത്തി. 33 കാരിയായ നടിയെ ദക്ഷിണ കൊല്ക്കത്തയിലെ ജോധ്പുര് പാര്ക്കിനടുത്തുള്ള അപ്പാര്ട്ട്മെന്റിലാണ് ഇന്നലെ മരിച്ചനിലയില് കണ്ടെത്തിയത്. 'ദ ഡേര്ട്ടി പിക്ചര്', 'ലവ് സെക്സ് ആന്ഡ് ധോക്ക' എന്നീ ചിത്രങ്ങളിലൂടെ ശ്രദ്ധേയായ താരമാണ് ആര്യ.
രാവിലെ അപ്പാര്ട്ട്മെന്റിലെത്തിയ ജോലിക്കാരി കോളിങ് ബെല്ല് അടിച്ചിട്ടും ഫോണില് വിളിച്ചിട്ടും ആര്യ വാതില് തുറക്കാത്തതിനെ തുടര്ന്ന് പോലീസിനെ വിവരം അറിയിക്കുകയായിരുന്നു. പോലീസ് എത്തി വാതില് പൊളിച്ച് അകത്ത് കടന്നപ്പോഴാണ് കിടപ്പുമുറിയില് ആര്യയെ മരിച്ച നിലയില് കണ്ടെത്തിയത്.
കട്ടിലിനു സമീപമാണ് ആര്യയെ മൂക്കില് നിന്നും വായില് നിന്നും രക്തം പുറത്തുവന്ന അവസ്ഥയില് കണ്ടെത്തിയത്.
ഏറെ വര്ഷമായി താരം ഒറ്റയ്ക്കാണ് താമസിച്ചിരുന്നത്. ആര്യയുടെ സുഹൃത്തുക്കളും ബന്ധുക്കളും ഒന്നും അപ്പാര്ട്മെന്റില് വരാറുണ്ടായിരുന്നില്ല. ആര്യ അയല്വക്കത്തുള്ളവരുമായി സൗഹൃദം പുലര്ത്തിയിരുന്നില്ല. വളര്ത്തു നായക്കൊപ്പമാണ് സമയം ചിലവഴിച്ചിരുന്നത്. ഫുഡ് ഡെലിവറി ആപ്പുകളില് നിന്നുമാണ് ഭക്ഷണം ഓര്ഡര് ചെയ്തിരുന്നത്.
സംഭവത്തില് പോലീസ് അന്വേഷണം ആരംഭിച്ചു. സംശയിക്കുന്ന വിധത്തില് ഒന്നും കണ്ടെത്താന് കഴിഞ്ഞിട്ടില്ലെന്ന് പോലീസ് പറഞ്ഞു.
അന്തരിച്ച സിതാര് വാദകനായിരുന്ന നിഖില് ബന്ദോപാധ്യയുടെ മകളാണ് ആര്യ ബാനര്ജി.