പി.ആര്‍. സുമേരന്‍-
എഴുപുന്ന:
ബെന്‍സി പ്രൊഡക്ഷന്സിന്റെ ബാനറില്‍ ബെന്‍സി നാസര്‍ നിര്‍മ്മിച്ച് പ്രമുഖ സംവിധായകന്‍ മനോജ് കാനയുടെ പുതിയ സിനിമയുടെ പൂജ നാളെ(20-11-2020) രാവിലെ 9.30 ന് എഴുപുന്നയില്‍ നടക്കും. മലയാളത്തിലെ പ്രശസ്ത നടിയും നര്‍ത്തകിയുമായ ആശാ ശരത്തും മകള്‍ ഉത്തര ശരത്തുമാണ് ചിത്രത്തിലെ കേന്ദ്ര കഥാപാത്രങ്ങള്‍. ആശാ ശരത്തും മകളും സിനിമയില്‍ ആദ്യമായി ഒന്നിക്കുന്ന ചിത്രം കൂടിയാണ് ഈ സിനിമ. സ്പീക്കര്‍ പി. ശ്രീരാമകൃഷ്ണന്‍, അഡ്വ. എ എം ആരിഫ് എം പി, അക്ബര്‍ ട്രാവല്‍സ് ചെയര്‍മാന്‍ കെ വി അബ്ദുള്‍ നാസര്‍, തിരക്കഥാകൃത്ത് ജോണ്‍പോള്‍, നടന്‍ സുധീര്‍ കരമന തുടങ്ങിയ പ്രമുഖരും ചടങ്ങില്‍ പങ്കെടുക്കും. പി.ആര്‍.ഒ.- പി.ആര്‍. സുമേരന്‍.
