എ എസ് ദിനേശ്-
കൊച്ചി:
ഈര്ഷാദ്, ടി ജി രവി, അഞ്ജു അരവിന്ദ് എന്നിവരെ പ്രധാന കഥാപാത്രങ്ങളാക്കി എറണാകുളം ജില്ലാ പഞ്ചായത്ത് അംഗം എന്. അരുണ് രചനയും സംവിധാനവും നിര്വ്വഹിക്കുന്ന 'അവകാശികള്' എന്ന ചിത്രത്തിലെ മൂന്നാമത്തെ വീഡിയോ ഗാനം റിലീസായി.
മലയാളത്തിലും ഹിന്ദിയിലുമായുള്ള ഈ ഗാനം രചിച്ചത് പാര്വ്വതി ചന്ദ്രനാണ്. സംഗീതവും ആലാപനവും മിനീഷ് തമ്പാന്.
റിയല് വ്യു ക്രിയേഷന്സിന്റെ ബാനറില് നിര്മ്മിക്കുന്ന ഈ ചിത്രത്തില് ജയരാജ് വാര്യര്, അനൂപ് ചന്ദ്രന്, എം എ നിഷാദ്, സോഹന് സിനു ലാല്, ബേസില് പാമ, ബിന്ദു അനീഷ് എന്നിവര്ക്കൊപ്പം നിരവധി ആസാമി കലാകാരന്മാരും അഭിനയിക്കുന്നു.
ഇന്ത്യന് സാമൂഹിക ജീവിതത്തില് ഉയരുന്ന സങ്കീര്ണ്ണതകള് ഒരു ഇതര സംസ്ഥാന തൊഴിലാളിയുടെ ജീവിതത്തിലൂടെ അവതരിപ്പിക്കുന്നതാണ് ചിത്രത്തിന്റെ പ്രമേയം.
ഛായാഗ്രഹണം- വിനു പട്ടാട്ട്, എഡിറ്റര്- അഖില് എ ആര്, ഗാനരചന- റഫീഖ് അഹമ്മദ്, മുരുകന് കാട്ടാക്കട, പാര്വ്വതി ചന്ദ്രന്, സംഗീതം- മിനീഷ് തമ്പാന്.
കേരളത്തിലും ആസാമിലുമായി ചിത്രീകരണം പൂര്ത്തിയാക്കിയ 'അവകാശികള്' ഉടന് പ്രദര്ശനത്തിനെത്തും. പി.ആര്.ഒ.- എ എസ് ദിനേശ്.
Online PR - CinemaNewsAgency.Com