എ എസ് ദിനേശ്-
കൊച്ചി:
ഒരു സംഭവ കഥയെ ആസ്പദമാക്കി ഒരുക്കിയ 'ശുഭരാത്രി' എന്ന ചിത്രത്തിനു ശേഷം മറ്റൊരു സംഭവ കഥയെ പശ്ചാത്തലമാക്കി കെ.പി. വ്യാസന്‍ തിരക്കഥയെഴുതി സംവിധാനം ചെയ്യുന്ന 'അവള്‍ക്കൊപ്പം' എന്ന ചിത്രത്തിന്റെ ടൈറ്റില്‍ പോസ്റ്ററും കാസ്റ്റിംങ് കോളും ഒരുമിച്ച് റിലീസ് ചെയ്തു.
യു കെ സ്റ്റുഡിയോസിന്റെ സഹകരണത്തോടെ ഫിലിം ക്രാഫ്റ്റ് അവതരിപ്പിക്കുന്ന ഈ ചിത്രത്തില്‍, സ്‌കൂളുകളില്‍ വിദ്യാര്‍ഥികള്‍ക്ക് ഉണ്ടാവുന്ന മാനസികാരോഗ്യപരമായ എല്ലാകാര്യങ്ങളിലും പരിഹാരം കാണാന്‍ സര്‍ക്കാര്‍ ഏര്‍പ്പെടുത്തിയിട്ടുള്ള ഉദ്യോഗസ്ഥയാണ് നായിക കഥാപാത്രം.
ICDS പ്രോജക്ടിന് കീഴില്‍ ഒരു സൈക്കോസോഷ്യല്‍ കൗണ്‍സിലറായ ഈ യുവതി, തന്റെ ജോലിക്കിടയില്‍ പരിചയപ്പെടുന്ന ഒരു പെണ്‍കുട്ടിക്ക് വേണ്ടി നടത്തുന്ന പോരാട്ടത്തിന്റെ കഥ പറയുന്ന ചിത്രമാണ് 'അവള്‍ക്കൊപ്പം'.
മലയാളത്തിലെ പ്രമുഖ നായിക മുഖ്യ വേഷത്തില്‍ അഭിനയിക്കുന്ന ഈ ചിത്രത്തില്‍ തുല്യ പ്രാധാന്യമുള്ള വേഷത്തില്‍ അഭിനയിക്കാന്‍ ഒമ്പതിനും പതിനൊന്നിനും ഇടയില്‍ പ്രായമുള്ള വെളുത്ത മെലിഞ്ഞ പെണ്‍ക്കുട്ടിയെ ആവശ്യമുണ്ട്. ഒപ്പം, പത്ത് വയസ്സുളള ഒരു ആണ്‍കുട്ടിക്കും അഭിനയിക്കാന്‍ അവസരമുണ്ട്. വിവധ സൈസിലുള്ള എഡിറ്റ് ചെയ്യാത്ത ഫോട്ടോകളും 35 സെക്കന്റില്‍ കവിയാത്ത വീഡിയോയും മാര്‍ച്ച് ഒന്നിന് മുമ്പ് kpvyasanfilmmaker@gmail.com എന്ന മെയില്‍ ഐഡിയില്‍ അയയ്ക്കുക.
പി ആര്‍ ഒ- എ എസ് ദിനേശ്.
Online PR - CinemaNewsAgency.Com
