CNA
കൊച്ചി:
മിഡില് ഈസ്റ്റ് ജീവിതം ആസ്പദമാക്കി vlogg ചെയുന്ന രണ്ടു ദമ്പതികള് ആണ് ഖാലിദും സലാമയും അതില് ഖാലിദ് ആണ് ഇപ്പോള് മഞ്ജു വാര്യരെ പരിചയപ്പെടാനും 'ആയിഷ' എന്ന സിനിമയെ കുറിച്ച് കൂടുതല് അറിയാനും താരത്തിന്റെ അടുത്തെത്തിയത്. ശേഷം ഇരുവരും ഒന്നിച്ചുള്ള ഫോട്ടോയും വിഡിയോയും രണ്ടും പേരും സോഷ്യല് മീഡിയയില് പങ്കു വച്ചു ഒപ്പം ഖാലിദ് കുറിച്ചത് ഇങ്ങനെ,
'It was amazing meeting you Manju!! So excited for this movie and the work you and doing to promote the love and friendships between both our worlds and where we come from. Wishing you and your team all the happiness and success inshAllah. Much love and God bless ?'
ദുബായില് വെച്ച് കേക്ക് മുറിച്ച് വിജയം ആഘോഷിക്കുകയും ചെയ്തു. ലേഡി സൂപ്പര്സ്റ്റാറിനെ കാണുവാന് സാധിച്ചത് വലിയൊരു ബഹുമതിയായി കരുതുന്നുവെന്നും ചിത്രത്തിന്റെ കഥ കേള്ക്കുവാന് സാധിച്ചെന്നും ഇന്തോ-അറേബ്യന് സിനിമയുടെ വളര്ച്ചയേയും കുറിച്ച് അറിയുവാന് സാധിച്ചെന്നും കുറിച്ച ഖാലിദ് അല് അമേരി മഞ്ജു വാര്യര്ക്കും ചിത്രത്തിന്റെ പിന്നില് പ്രവര്ത്തിച്ച ഏവര്ക്കും വിജയം നേരുകയും ചെയ്തു.
നവാഗതനായ ആമിര് പള്ളിക്കല് സംവിധാനം നിര്വഹിച്ച മഞ്ജു വാര്യര് ചിത്രം 'ആയിഷ' വിജയകരമായി തീയറ്ററുകളില് പ്രദര്ശനം തുടരുകയാണ്. ആറ് ഭാഷകളിലായി പ്രദര്ശനത്തിന് എത്തിയ ചിത്രം ഗള്ഫ് രാജ്യങ്ങളിലാണ് കൂടുതലായും ചിത്രീകരിച്ചിരിക്കുന്നത്. പുറത്ത് നിന്നുള്ളവരാണ് ചിത്രത്തില് അഭിനയിച്ചിരിക്കുന്ന ഒട്ടുമിക്ക അഭിനേതാക്കളും. തിരസ്കാരങ്ങളും പ്രാരാബ്ധങ്ങളും കാരണം പ്രവാസിയാകേണ്ടി വന്ന നിലമ്പൂര് ആയിഷ എന്ന വിപ്ലവകാരിയായ കലാകാരിക്കുള്ള ആദരമാണ് ഈ സിനിമ. ചിത്രത്തിന്റെ വിജയാഘോഷം പ്രേക്ഷകര്ക്കൊപ്പം ഇപ്പോള് ഖത്തറില് വെച്ച് ആഘോഷിച്ചിരിക്കുകയാണ് മഞ്ജു വാര്യരും എം ജയചന്ദ്രനും എല്ലാം അടങ്ങുന്ന ആയിഷ ടീം. ഖാലിദ് അല് അമേരിയും മഞ്ജു വാര്യര്ക്കൊപ്പം വിജയാഘോഷത്തില് പങ്കെടുത്തു.
പരിചയമില്ലാത്ത ഒരിടത്ത് എത്തിച്ചേരുന്ന ഒരു മലയാളി സ്ത്രീ അനുഭവിക്കുന്ന പ്രശ്നങ്ങളും തുടര്ന്നുണ്ടാകുന്ന സംഭവ വികാസങ്ങളും ഒരു ഇമോഷണല് പശ്ചാത്തലത്തിലാണ് ചിത്രത്തില് ഒരുക്കിയിരിക്കുന്നത്. മലയാളത്തിന് പുറമേ തമിഴ്, തെലുങ്ക്, ഹിന്ദി, ഇംഗ്ലീഷ്, അറബി ഭാഷകളില് പ്രേക്ഷകരിലേക്ക് എത്തിയ ചിത്രം മലയാള സിനിമക്ക് തന്നെ ഭാഷകളുടെ അതിര്വരമ്പുകള് ഭേദിച്ച് ഒരു വേള്ഡ് ക്ലാസ്സ് ലെവല് സ്വീകാര്യത ഇപ്പോള് നേടി കൊടുത്തിരിക്കുകയാണ്. പ്രഭുദേവ കൊറിയോഗ്രാഫി ചെയ്ത ഒരു ഗാനത്തിന് മഞ്ജു വാര്യര് ഈ ചിത്രത്തില് ചുവടും വെച്ചിട്ടുണ്ട്. അഭിനയിച്ചവര് എല്ലാവരും തന്നെ ഭാഷകള്ക്ക് അതീതമായി അവരുടെ കഥാപാത്രങ്ങളെ ഉള്കൊണ്ട് അഭിനയിച്ചിട്ടുമുണ്ട്.
അറബ് രാജ്യങ്ങളില് അറബിക് ഭാഷയില് തന്നെ സിനിമ റിലീസ് ആകുന്നതും ആദ്യമായാണ്. നൃത്തത്തിന് ഏറെ പ്രാധാന്യമുള്ള സിനിമയുടെ കോറിയോഗ്രാഫി നിര്വഹിച്ചിരിക്കുന്നത് പ്രശസ്ത നടനും സംവിധായകനും നര്ത്തകനുമായ പ്രഭുദേവയാണ്. ബി.കെ. ഹരിനാരായണന്, സുഹൈല് കോയ എന്നിവര് എഴുതിയ വരികള്ക്ക് എം. ജയചന്ദ്രന് സംഗീത സംവിധാനം നിര്വഹിച്ചിരിക്കുന്നു.
ആഷിഫ് കക്കോടിയാണ് തിരക്കഥ ഒരുക്കിയിരിക്കുന്നത്. മഞ്ജു വാര്യര്ക്കു പുറമെ രാധിക, സജ്ന, പൂര്ണിമ, ലത്തീഫ (ടുണീഷ്യ), സലാമ (യു.എ.ഇ.), ജെന്നിഫര് (ഫിലിപ്പൈന്സ്), സറഫീന (നൈജീരിയ), സുമയ്യ (യമന്), ഇസ്ലാം(സിറിയ) തുടങ്ങിയ വിദേശ താരങ്ങളും അണിനിരക്കുന്നു.
ആഷിഫ് കക്കോടിയാണ് രചന. ക്രോസ് ബോര്ഡര് ക്യാമറയുടെ ബാനറില് സക്കറിയ നിര്മ്മിക്കുന്നു. ഫെദര് ടച്ച് മൂവി ബോക്സ്, ഇമാജിന് സിനിമാസ്, ലാസ്റ്റ് എക്സിറ്റ് സിനിമാസ്, മൂവി ബക്കറ്റ് എന്നീ ബാനറുകളില് ശംസുദ്ധീന്, സക്കറിയ വാവാട്, ഹാരിസ് ദേശം, അനീഷ് പി.ബി, ബിനീഷ് ചന്ദ്രന് എന്നിവരാണ് ഈ ചിത്രത്തിന്റെ സഹ നിര്മ്മാതാക്കള്.
ഛായാഗ്രഹണം വിഷ്ണു ശര്മ നിര്വ്വഹിക്കുന്നു. എഡിറ്റര്- അപ്പു എന്. ഭട്ടതിരി, കല- മോഹന്ദാസ്, വസ്ത്രാലങ്കാരം- സമീറ സനീഷ്, ചമയം- റോണക്സ് സേവ്യര്, ചീഫ് അസ്സോസിയേറ്റ്- ബിനു ജി., ശബ്ദ സംവിധാനം- വൈശാഖ്, സ്റ്റില്- രോഹിത് കെ. സുരേഷ്, ലൈന് പ്രൊഡ്യൂസര്- റഹിം പി.എം.കെ.,
പി ആര് ഒ- എ എസ് ദിനേശ്.