CNA
യു എ ഇ : :
യു എ ഇ യില് ചിത്രീകരണം പുരോഗമിക്കുന്ന 'ആയിഷ' എന്ന മഞ്ജു വാരിയര് ചിത്രത്തിന്റെ സെറ്റില് പ്രമൂഖ ബോളിവുഡ് കോറിയോ ഗ്രാഫര് പ്രഭുദേവ എത്തി.
എം ജയചന്ദ്രന് ഈണം നല്കിയ ഗാനത്തിന് നൃത്തചുവടുകള് ചിട്ടപ്പെടുത്തുന്നതിനാണ് പ്രഭുദേവ എത്തിച്ചേര്ന്നത്.
നീണ്ട ഇടവേളക്കു ശേഷം ഇതാദ്യമായാണ് പ്രഭുദേവ ഒരു മലയാളം ചിത്രത്തിന് കോറിയോ ഗ്രാഫി ചെയ്യുന്നത്.
നവാഗതനായ ആമിര് പള്ളിക്കല് സംവിധാനം ചെയ്യുന്ന ചിത്രത്തിന്റെ രചന ആഷിഫ് കക്കോടിയാണ്. മലയാളത്തിന് പുറമെ ഇഗ്ലീഷിലും അറബിയിലും പുറത്തിങ്ങുന്ന ചിത്രം, തമിഴ്, തെലുങ്ക്, ഹിന്ദി, കന്നഡ, തുടങ്ങിയ ഇന്ത്യന് ഭാഷാ പതിപ്പുകളിലും എത്തും.
ക്രോസ് ബോര്ഡര് ക്യാമറയുടെ ബാനറില് സക്കറിയ നിര്മ്മിക്കുന്ന ചിത്രത്തിന്റെ സഹ നിര്മ്മാതാക്കള് ഫെദര് ടച്ച് മൂവി ബോക്സ്, ഇമാജിന് സിനിമാസ്, ലാസ്റ്റ് എക്സിറ്റ്, മൂവീ ബക്കറ്റ് എന്നീ ബാനറുകളില് ശംസുദ്ധീന്, സക്കറിയ വാവാട്, ഹാരിസ് ദേശം, അനീഷ് പി.ബി എന്നിവരാണ്.
ഛായാഗ്രഹണം- വിഷ്ണു ശര്മ നിര്വ്വഹിക്കുന്നു. എഡിറ്റര്- അപ്പു എന് ഭട്ടതിരി, കലാ സംവിധാനം- മോഹന്ദാസ്, വസ്ത്രാലങ്കാരം- സമീറ സനീഷ്, ചമയം- റോണക്സ് സേവ്യര്, ചീഫ് അസ്സോസിയേറ്റ്- ബിനു ജി നായര്, ഗാനരചന- ബി കെ ഹരിനാരായണന്, സുഹൈല് കോയ. ശബ്ദ സംവിധാനം- വൈശാഖ്, നിശ്ചല ചിത്രം- രോഹിത് കെ സുരേഷ്, ലൈന് പ്രൊഡ്യൂസര്- റഹിം പി എം കെ, പ്രൊഡക്ഷന് കണ്ട്രോളര്- റിന്നി ദിവാകര്.
ഈ ചിത്രത്തിന്റെ ഇന്ത്യയിലെ ചിത്രീകരണം ഡല്ഹി, ബോംബെ എന്നിവിടങ്ങളിലായ് നടക്കും.