സി എന്‍ എ-
ഹൈദരാബാദ്:
സച്ചി തിരക്കഥയെഴുതി സംവിധാനം ചെയ്ത 'അയ്യപ്പനും കോശിയും' എന്ന സൂപ്പര്‍ഹിറ്റ് ചിത്രത്തിന്റെ തെലുങ്ക് റീമേക്കിന്റെ പൂജ ഹൈദരബാദില്‍ നടന്നു.
മലയാളത്തില്‍ ബിജു മേനോന്‍ അവതരിപ്പിച്ച അയ്യപ്പനെ പവന്‍ കല്യാണും പൃഥ്വിരാജ് ചെയ്ത കോശികുര്യന്റെ വേഷം റാണാ ദഗ്ഗുബാട്ടിയും അവതരിപ്പിക്കും.
തെലുങ്ക് സിനിമയിലെ ഏറ്റവും വലിയ മള്‍ട്ടി സ്റ്റാര്‍ ചിത്രങ്ങളില്‍ ഒന്നായി ഇത് മാറുമെന്നാണ് പ്രതീക്ഷ. ഹാരിക ആന്‍ഡ് ഹാസി ക്രിയേഷന്‍സിന്റെ ബാനറില്‍ സൂര്യദേവര നാഗ വംശി നിര്‍മ്മിക്കുന്ന സിനിമ സംവിധാനം ചെയ്യുന്നത് സാഗര്‍ ചന്ദ്രയാണ്. സംഗീതം തമന്‍ എസ്. നിര്‍വഹിക്കുന്നു. 2021 ജനുവരിയില്‍ സിനിമയുടെ ചിത്രീകരണം ആരംഭിക്കും.
