സി എന് എ-
മുംബൈ:
ബോളിവുഡ് സൂപ്പര്താരം അക്ഷയ് കുമാര് തന്റെ പുതുവര്ഷത്തിലെ ആദ്യ സിനിമയായ 'ബച്ചന് പാണ്ഡേ'യുടെ ചിത്രീകരണമാരംഭിച്ചതായി സോഷ്യല് മീഡിയയിലൂടെ അറിയിച്ചു.
ഫര്ഹാദ് സാംജിയാണ് 'ബച്ചന് പാണ്ഡേ' എന്ന ആക്ഷന് ചിത്രം സംവിധാനം ചെയ്യുന്നത്. കൃതി സനോണും ജാക്വലിന് ഫെര്ണാണ്ടസുമാണ് ചിത്രത്തില് നായികമാരായെത്തുന്നത്.
ഫര്ഹാദ് സാംജിയും നിശ്ചയ് കുട്ടണ്ഡയും ചേര്ന്ന് രചന നിര്വ്വഹിച്ചിരിക്കുന്ന ചിത്രത്തിന്റെ ഛായാഗ്രഹണം ഗാവമിക് യു അറിയാണ്.
സിനിമയുടെ പ്രധാന ലൊക്കേഷന് രാജസ്ഥാന് ആണ്. നദിയാവാല ഗ്രാന്ഡ്സണ് എന്റര്ടെയ്ന്മെന്റിന്റെ ബാനറില് സാജിദ് നദിയാവാലയാണ് ചിത്രം നിര്മ്മിക്കുന്നത്.
സാജിദിന്റെ നിര്മ്മാണത്തില് അക്ഷയ് കുമാര് നായകനാവുന്ന പത്താമത് ചിത്രമാണിത്. ഇക്കാര്യത്തില് തനിക്കുള്ള സന്തോഷം അറിയിച്ചുകൊണ്ടാണ് തന്റെ കഥാപാത്രത്തിന്റെ ഫസ്റ്റ് ലുക്ക് അക്ഷയ് കുമാര് സോഷ്യല് മീഡിയയില് പങ്കുവച്ചിരിക്കുന്നത്.