എ എസ് ദിനേശ്-
കൊച്ചി:
പ്രശസ്ത ചലച്ചിത്ര താരമായ മല്ലിക സുകുമാരനെ കേന്ദ്ര കഥാപാത്രമാക്കി സുമേഷ് ലാല് തിരക്കഥയെഴുതി സംവിധാനം ചെയ്യുന്ന 'ബഹുമാനിച്ച്
പോയൊരമ്മ' എന്ന ഹ്രസ്വചിത്രത്തിന്റെ ടീസ്സര് സൈന മൂവീസ്സിലൂടെ റിലീസായി.
ഇരുപത് വയസ്സ് പ്രായത്തില് ഒരു മിലിട്ടറി വാനുമായുണ്ടായ കാര് ആക്സിഡന്റില് ഉറ്റവരെ നഷ്ടപ്പെട്ട് ജീവിതത്തില് ഒറ്റപ്പെട്ടുപോയൊരു സ്ത്രീത്വം.
അന്ന് ആ മിലിട്ടറി വാനില് ഉണ്ടായ ഒരു മുപ്പത്തിയഞ്ചു വയസ്സുകാരന് മിലിട്ടറിക്കാരനുമായി പിന്നീട് അന്പത് വര്ഷം ജീവിതത്തില് ഒരിക്കലും കരയാതെ സന്തോഷത്തോടെ ജീവിച്ച് ജീവിതം ധന്യമാക്കിയോരമ്മ.
ബഹുമാനിച്ച് പോകും ആ അമ്മയെ...
ആ അമ്മയുടെ കഥ പറയുന്ന ഹൃസ്വ ചിത്രമാണ് 'ബഹുമാനിച്ച് പോയൊരമ്മ'. ബേസില് വിത്സണ് ഛായാഗ്രഹണം നിര്വ്വഹിക്കുന്നു.
'ആശുപത്രിയില് ഐ സി യു റൂമിന്റെ വെയ്റ്റിങ് ലോഞ്ചില് ഇരിക്കുമ്പോള് ജീവിതത്തില് ഞാന് കണ്ടു മുട്ടിയ സ്നേഹനിധിയായോരമ്മയുടെ കഥയാണിത്.
ആ അമ്മയുടെ കഥ ഞാന് അറിഞ്ഞപ്പോള് കൈകൂപ്പി തൊഴുതു പോയി ഒരു നിമിഷം...
ഏറേ ബഹുമാനിക്കപ്പെടേണ്ട ആ വ്യക്തിത്വം ഈ ലോകം ഇനി തിരിച്ചറിയണം...
ആ അമ്മയുടെ കഥ പറയുന്ന ഈ ഷോര്ട്ട് ഫിലിമില് പ്രശസ്ത നടി മല്ലിക സുകുമാരന് അഭിനയിച്ചപ്പോള് അതിലും ഗംഭീരമായി...' സംവിധായകന് സുമേഷ് ലാല് പറഞ്ഞു.
ജീവിതത്തില് ഏക ആശ്രയമായിരുന്ന ഭര്ത്താവിന് നെഞ്ചു വേദയുണ്ടായി ഐ സി യു വില് കിടക്കുമ്പോഴും പതറാതെ ആ അമ്മ ഈ ലോകത്തിനു തന്നെ കാണിച്ച് തന്ന മികച്ച ഒരു സന്ദേശമാണ് 'ബഹുമാനിച്ച് പോയൊരമ്മ' എന്ന ഒരു കൊച്ചു സിനിമയിലൂടെ ദൃശ്യവത്കരിക്കുന്നത്.
സി ബി ഫിലിംസിന്റെ ബാനറില് ബിജു ചേളിപ്പറമ്പില് നിര്മ്മിക്കുന്ന ഈ ചിത്രത്തില് ബിബിന് ബെന്നി ശ്രദ്ധേയമായ കഥാപാത്രത്തെ അവതരിപ്പക്കുന്നു.
പ്രൊഡക്ഷന് കണ്ട്രോളര്- ഇക്ബാല് പാനായിക്കുളം മേക്കപ്പ്- മനോജ് അങ്കമാലി, ആര്ട്ട്- പ്രദീപ് എം വി, കോസ്റ്റ്യൂംസ്- മാലിനി ചന്ദ്രബോസ്, എഡിറ്റ് & സൗണ്ട്, മ്യൂസിക്- ആഷ്ലിന് സാസ സ്റ്റുഡിയോ കാലടി, പി ആര് ഒ- എ എസ് ദിനേശ്.
Online PR - CinemaNewsAgency.Com