സി എന് എ-
കൊച്ചി:
ചലച്ചിത്രലോകം വളരെ ആകാംക്ഷയോടെ ഉറ്റുനോക്കുന്ന ചിത്രമാണ് 'ബറോസ്'. ഇന്ത്യന് സിനിമക്ക് കേരളം സമ്മാനിച്ച മോഹന്ലാല് എന്ന മഹാനടന് പതിറ്റാണ്ടുകള് നീണ്ട കരിയറില് ആദ്യ സംവിധാനം ചെയ്യുന്ന ചിത്രമായത് കൊണ്ട് തന്നെയാണ് 'ബാറോസ് : ഗാര്ഡ്യന് ഓഫ് ഡി'ഗാമാസ് ട്രെഷര്' എന്ന ത്രീ ഡി സിനിമ ലോക ശ്രദ്ധ നേടിയത്.
നടനെന്ന നിലയില് ഒരുപാട് തിരക്കുകളുള്ള സമയത്താണ് മോഹന്ലാല് സംവിധാനത്തിലേക്ക് കടക്കുന്നത്. കൊച്ചിയിലെ ഷെഡ്യൂള് പൂര്ത്തിയാകുന്നത്തോടെ രണ്ടാംഘട്ടം ഗോവയില് ആരംഭിക്കും.
ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രത്തിന്റെ നിര്മ്മാണം.
1984ല് പുറത്തിറങ്ങിയ ഇന്ത്യയിലെ ആദ്യ ത്രീഡി ചിത്രമായിരുന്ന 'മൈ ഡിയര് കുട്ടിച്ചാത്തന്' സംവിധാനം ചെയ്ത ജിജോയാണ് ചിത്രത്തിന്റെ കഥ, തിരക്കഥ, സാങ്കേതിക സംവിധാനം നിര്വ്വഹിക്കുന്നത്.
പോര്ച്ചുഗീസ് പശ്ചാത്തലമുള്ള പിരീഡ് സിനിമയാണ് 'ബറോസ്'. വാസ്കോഡഗാമയുടെ നിധി സൂക്ഷിപ്പുകാരനായ ഒരു ഭൂതമാണ് 'ബറോസ്'. നാനൂറ് വര്ഷങ്ങളായി നിധിക്ക് കാവലിരിക്കുന്ന 'ബറോസ്' നിധിയുടെ യഥാര്ത്ഥ അവകാശിയെയാണ് കാത്തിരിക്കുന്നത്. നിധി തേടി ഒരു കുട്ടി ബറോസിന് മുന്നിലെത്തുന്നതാണ് സിനിമയുടെ പ്രമേയം. കൂടാതെ ഇന്ത്യക്കും ആഫ്രിക്കക്കും പോര്ച്ചുഗീസിനും ഇടയില് നിലനിന്നിരുന്ന കടല് മാര്ഗ്ഗമുള്ള വ്യാപാരബന്ധവും സിനിമയില് ചര്ച്ചചെയ്യും.
മോഹന്ലാല് തന്നെയാണ് സിനിമയില് പ്രധാനകഥാപാത്രമായ 'ബറോസ്' എന്ന ഭൂതത്തെ അവതരിപ്പിക്കുന്നത്.
പൃഥ്വിരാജും ചിത്രത്തില് ഒരു പ്രധാന കഥാപാത്രമായി എത്തുന്നുണ്ടെന്ന പ്രത്യേകതയും ബറോസിനുണ്ട്. ചിത്രത്തില് പാസ് വേഗ, റാഫേല് അമാര്ഗോ എന്നീ സ്പാനിഷ് താരങ്ങളും അഭിനയിക്കുന്നുണ്ട്. വാസ്കോ ഡ ഗാമയുടെ റോളില് റഫേല് അമര്ഗോയും ഭാര്യയുടെ റോളില് പാസ് വേഗയും അഭിനയിക്കുക. കൂടാതെ ഷായാല മെക് കഫെറി, സീസര് ലോറന്റോ, പദ്മാവതി റാവു, ജയചന്ദ്രന് പാലാഴി, ജോഷ്വ, ഡോണ്, പെഡ്രോ ഫിഗുറിറ്റോ, അമല് തുടങ്ങിയവരും ചിത്രത്തില് പ്രധാന വേഷത്തില് എത്തുന്നുണ്ട്.
2019 ഏപ്രിലില് ഔദ്യോഗികമായി പ്രഖ്യാപിച്ച 'ബറോസ്' മോഹന്ലാലിന്റെ സ്വപ്ന പ്രൊജക്ട് ആണ്. കഴിഞ്ഞ വര്ഷം ചിത്രീകരണം ആരംഭിക്കേണ്ടിയിരുന്ന സിനിമ കോവിഡ് കാരണം നീട്ടിവെക്കുകയായിരുന്നു.
ബറോസിന്റെ സംഗീതം നിര്വ്വഹിക്കുന്നത് തമിഴ്നാട് സ്വദേശിയായ 13 വയസുകാരന് ലിഡിയന് നാദസ്വരമാണ്. 'ലിഡിയന് ഇന്ത്യയുടെ നിധി'യെന്നാണ് എ.ആര്. റഹ്മാന് വിശേഷിപ്പിച്ചത്. ചിത്രത്തിന്റെ ഛായാഗ്രാഹകന് സന്തോഷ് ശിവനാണ്. പ്രൊഡക്ഷന് ഡിസൈനര് സന്തോഷ് രാമന്.
എഡിറ്റര്- ശ്രീകര് പ്രസാദ്, ആക്ഷന് കൊറിയോഗ്രാഫര്- എ. വിജയ്, ആക്ഷന് ഡിസൈനര്- ജാക്രിറ്റ്, റിസര്ച്ച് ഡയറക്ടര്- ജെസോയ് ജോസഫ്, സൗണ്ട് ഡിസൈനര്- വിഷ്ണു പിസി, അരുണ് എസ് മണി, ഗാനരചന- വിനയക് ശശികുമാര്, ലക്ഷ്മിസ് റീകുമാര്, കോസ്റ്റ്യൂം ഡിസൈനര്- ജ്യോതി മദ്നാനി സിംഗ്, വിഎഫ്എക്സ്- ബ്രൈന്ലി ബൈന് കാഡ്മാന്, ലൈവ് ആക്ഷന് സ്റ്റീരിയോസ്കോപ്പിക് 3D- ആശിഷ് മിത്തല് (സ്കൈ വര്ക്ക് സ്റ്റുഡിയോസ്), സ്റ്റീരിയോഗ്രാഫര്- കെ പി നമ്പിയതിരി, വൂഡു ക്യാരക്ടര് ഡിസൈനര്- സന്തോഷ് മൂര്ത്തി, വൂഡു ക്യാരക്ടര് പര്ഫോമര്- പ്രതാപ് പോത്താന്, പോസ്റ്റര് ഡിസൈന്- ആനന്ദ് രാജേന്ദ്രന്, ഗായകര്- നബിയോ റുബേല, അമൃത വര്ഷിനി, ഉപദേഷ്ടാക്കള്- ജോണ് പോള്, വിസ്മയ മോഹന്ലാല്, സംഹിത ആര്നി, ഡോ സി ജെ ജോണ്, ഫെര്ണാണ്ടോ, കെ ശേഖര്, മരിയ ബ്രാങ്കോ.
Online PR - CNA.