CNA
കൊച്ചി:
ത്രില്ലര് ചിത്രങ്ങളെ എന്നും സന്തോഷത്തോടെ സ്വീകരിച്ചിട്ടുള്ള മലയാളികളുടെ മുന്നിലേക്ക് പുതിയൊരു ത്രില്ലര് വെബ് സീരിസ് കൂടിയെത്തിയിരിക്കുന്നു.
'BEHIND' എന്ന് പേരിട്ടിരിക്കുന്ന വെബ് സീരിസിലെ കേന്ദ്ര കഥാപാത്രത്തെ അവതരിപ്പിക്കുന്നത് ചലച്ചിത്ര താരം അഭിഷേക് രവീന്ദ്രനാണ്. MX PLAYER ലൂടെയാണ് വെബ് സീരീസ് സ്ട്രീം ചെയ്യുന്നത്.
'പൊറിഞ്ചു മറിയം ജോസ്', 'പാപ്പന്', 'രാമലീല', 'യുവം' തുടങ്ങിയ ചിത്രങ്ങളിലെ കഥാപാത്രങ്ങളിലൂടെ മലയാളികള്ക്ക് പ്രിയങ്കരനായ അഭിഷേക് നായക കഥാപാത്രമായി എത്തുന്നുവെന്ന പ്രത്യേകതയും 'ബിഹൈന്റിനുണ്ട്.
റെജിമോന് കപ്പപ്പറമ്പില് നിര്മ്മിക്കുന്ന വെബ്സീരിസ് സംവിധാനം ചെയ്തിരിക്കുന്നത് സംവിധായകന് ജോഷിയുടെ സഹായിയായി പ്രവര്ത്തിച്ച നിതീഷ് നാരായണനാണ്. ചിത്രത്തിന്റെ എഡിറ്റിംഗ് നിര്വ്വഹിച്ചിരിക്കുന്നതും സംവിധായകന് തന്നെയാണ്.
ത്രില്ലര് ജോണറിലുള്ള വെബ് സീരിസിന്റെ തിരക്കഥയൊരുക്കിയിരിക്കുന്നത് സുധീഷ് മോഹനാണ്.
സസ്പെന്ഷനിലായ ഒരു പോലീസുദ്യോഗസ്ഥന്റെ ജീവിതത്തില് രണ്ട് ദിവസം സംഭവിക്കുന്ന പ്രശ്നങ്ങളുടെ പശ്ചാത്തലത്തിലാണ് വെബ് സീരിസ് ഒരുക്കിയിരിക്കുന്നത്.
ചിത്രത്തിലെ കേന്ദ്രകഥാപാത്രമായ സാം എന്ന പോലീസുദ്യോഗസ്ഥനായിട്ടാണ് അഭിഷേക് രവീന്ദ്രന് അഭിനയിച്ചിരിക്കുന്നത്.
കോവിഡ് മാനദണ്ഡങ്ങള് പാലിച്ച് ചിത്രീകരണം നടത്തിയ 'BEHIND' ന് പ്രേക്ഷകര്ക്കിടയില് വന് സ്വീകാര്യതയാണ് ലഭിച്ചിരിക്കുന്നത്.
അഭിഷേക് രവീന്ദ്രനൊപ്പം അഖിലേഷ് ഈശ്വര്, ബിസ്മി, അമൃത വിജയ്, ഡിസ്നി, പ്രവീണ്, മിഥുന് എബ്രഹാം, അര്ച്ചന, അല്ഫോന്സാ ജോസഫ്, തുടങ്ങി നിരവധി താരങ്ങള് അണിനിരക്കുന്നു.
പ്രണവ് റെജിമോന്, സുജില് സായ് എന്നിവര് ക്യാമറ കൈകാര്യം ചെയ്തിരിക്കുന്നവെബ് സീരിസിന്റെ സംഗീത സംവിധാനം നിര്വ്വഹിച്ചിരിക്കുന്നത് നിക്സണ് ജോയ് ആണ്.
ക്രിസ്പിന് ചാക്കോ, ബിപിന് എന്നിവര് കലാസംവിധാനം നിര്വ്വഹിച്ചിരിക്കുന്ന വെബ് സീരിസിന്റെ മേക്കപ്പ് നിര്വ്വഹിച്ചിരിക്കുന്നത് അജയ് ആണ്.
ഗ്രാഷ് മുഖ്യസംവിധാന സഹായായി പ്രവര്ത്തിച്ചിരിക്കുന്നു. രണ്ടാം ഭാഗത്തിന്റെ സൂചന നല്കിയാണ് സീരീസ് അവസാനിക്കുന്നത്.
Online PR - CinemaNewsAgency.Com