സി എന്‍ എ-
തിരു:
പുതുതലമുറയിലെ ഭാര്യാ ഭര്‍ത്താക്കന്മാര്‍ക്ക് ശക്തമായ സന്ദേശവുമായെത്തുകയാണ് 'ബെറ്റര്‍ ഹാഫ്' എന്ന ഹ്രസ്വചിത്രം. ഡാളസ് ജംഗ്ഷന്‍ പ്രൊഡക്ഷന്‍സും, മല്ലു കഫേ റേഡിയോയും ലയോറ ടി.വി മീഡിയാസിനും വേണ്ടി സൂസി സാമുവല്‍ നിര്‍മ്മിച്ച ഈ ചിത്രം, ടിക്ക് ടോക്കിലൂടെ ഗുണ്ട ബിനു എന്ന കഥാപാത്രത്തിലൂടെ പ്രേക്ഷകരെ ചിരിപ്പിച്ച ശരത്ത് ഉണ്ണിത്താന്‍ എന്ന മിമിക്രി ആര്‍ട്ടിസ്റ്റ് ആദ്യമായി സംവിധാനം ചെയ്യുന്നു. ഡാളസ് ജങ്ഷന്‍ ചാനലില്‍ ടെലികാസ്റ്റ് ചെയ്ത ചിത്രം മികച്ച അഭിപ്രായം നേടിക്കഴിഞ്ഞു.
അമേരിക്കന്‍ മലയാളികളായ അജോ സാമുവല്‍, സീതു റോബിന്‍, ആഷിഷ്, പ്രിന്‍സ് ജോസഫ് എന്നിവര്‍ പ്രധാന വേഷത്തിലെത്തിയ ചിത്രം, കൊച്ചിന്‍ ഇന്റര്‍നാഷണല്‍ ഷോര്‍ട്ട് ഫിലിം ഫെസ്റ്റിവലില്‍ മികച്ച സന്ദേശ ചിത്രമായി തിരഞ്ഞെടുത്തിരുന്നു. ഇന്ത്യന്‍ ഇന്റര്‍നാഷണല്‍ ഷോര്‍ട്ട് ഫിലിം ഫെസ്റ്റിവലില്‍ ബെസ്റ്റ് ഇന്‍വെന്റീവ് ഷോര്‍ട്ട് ഫിലിമില്‍ മൂന്നാം സ്ഥാനവും, മികച്ച സൗണ്ട് മിക്‌സിംഗിനുള്ള അവാര്‍ഡും ബെറ്റര്‍ ഹാഫ് നേടിയിരുന്നു. ലോകത്തെ മികച്ച ഏഴ് ഷോര്‍ട്ട് ഫിലിം ഫെസ്റ്റീവലിലേക്ക് ചിത്രം തിരഞ്ഞെടുക്കുകയും ചെയ്തു.
ദീപുവിനും (അജോ സാമുവല്‍) ഭാര്യയ്ക്കും (സീതു റോബിന്‍) കുട്ടികള്‍ ഇല്ല. അതു കൊണ്ട് തന്നെ ഇവരുടെ ദാമ്പത്യ ജീവിതത്തിന് പഴയ ഊഷ്മളത ഇല്ല. ദീപു മറ്റ് പെണ്‍കുട്ടികളുടെ സാമീപ്യം കൊതിച്ചപ്പോള്‍, ഭാര്യ തന്നെ ദീപു അവഗണിക്കുന്നതില്‍ വേവലാതിപ്പെട്ടു. തന്റെ വേദന അവള്‍ കൂട്ടുകാരിയുമായി പങ്കിട്ടു. ദീപു അപ്പോള്‍ മറ്റ് പെണ്‍കുട്ടികളെ തേടിയിറങ്ങിക്കഴിഞ്ഞിരുന്നു. സുഹൃത്തായ അച്ചായന്‍ (ആഷിഷ്) ജെസിക്ക എന്ന പെണ്‍കുട്ടിയെ റെഡിയാക്കി കൊടുത്തു. ഒരു ഹോട്ടല്‍ മുറിയില്‍ അവര്‍ കണ്ടുമുട്ടി. അവിടെ വെച്ച്, തന്റെ ഭര്‍ത്താവിനെ ചികില്‍സിക്കാനുള്ള പണത്തിനാണ് താന്‍ വേശ്യാവൃത്തി ചെയ്യുന്നതെന്ന ജെസിക്കയുടെ വാക്കുകള്‍ കേട്ട് ദീപു ഞെട്ടി. അവന്റെ മനസ്സിനെ മാറ്റിമറിച്ച സംഭവമായിരുന്നു അത്. അയാള്‍ ജെസിക്കയ്ക്ക് പണം നല്‍കിയിട്ട് വീട്ടിലെത്തി. അവിടെ അവന് പുതിയ അനുഭവങ്ങളാണ് ജീവിതം സമ്മാനിച്ചത്.
ദീപുവായി അജോ സാമുവലും, ഭാര്യയായി സീതു റോബിനും, അച്ചായനായി ആഷിഷും ഗംഭീര പ്രകടനമാണ് നടത്തിയത്.
അജോ സാമുവല്‍, സീതു റോബിന്‍, ഹിമി ഹരിദാസ്, ആഷിഷ് ജേക്കബ് തെക്കേടത്ത്, പ്രിന്‍സ് ജോസഫ്, ബേബി റോസ് റോബിന്‍, ഷിബിറോയ്, വിസ്മയ എസ്. കാതറിന്‍ ആന്‍ ആഷിഷ്, റോഷന്‍ റോയ്, മാസ്റ്റര്‍ കലിബ് ആഷിഷ് എന്നിവര്‍ അഭിനയിക്കുന്നു.
ഡാളസ് ജംഗ്ഷന്‍ പ്രൊഡക്ഷന്‍സും, മല്ലു കഫേ റേഡിയോയും,ലയോറ ടി.വി മീഡിയാസിനും വേണ്ടി സൂസി സാമുവല്‍ നിര്‍മ്മിക്കുന്ന 'ബെറ്റര്‍ ഹാഫ്', ശരത്ത് ഉണ്ണിത്താന്‍ കഥ, തിരക്കഥ, സംഭാഷണം, സംവിധാനം നിര്‍വ്വഹിക്കുന്നു. ഡി.ഒ.പി, എഡിറ്റിംഗ്, ഗ്രാഫിക്‌സ്, വി എഫ് എക്‌സ്, സൗണ്ട് ഡിസൈന്‍, ടൈറ്റില്‍, ഡി.ഐ-സാമുവല്‍ അലക്‌സാണ്ടര്‍. മിക്‌സിംഗ്, മാസ്റ്ററിംഗ്- എറിക് ജോണ്‍സന്‍, സിംഗര്‍- റിന്‍സോ റോയ്, അസോസിയേറ്റ് ക്യാമറ- പ്രിന്‍സ് ജോസഫ്, സെക്കന്റ് ക്യാമറ (കേരളം)- രാഹുല്‍ തങ്കച്ചന്‍, പി.ആര്‍.ഒ- അയ്മനം സാജന്‍.
Online PR - CNA.
