സി എന് എ-
കൊച്ചി:
മമ്മൂട്ടിയെ നായകനാക്കി അമല് നീരദ് സംവിധാനം ചെയ്യുന്ന 'ഭീഷ്മ പര്വ്വം' എന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തു വിട്ടു.
മമ്മൂട്ടി - അമല് നീരദ് ചത്രം 'ബിഗ് ബി'യുടെ രണ്ടാം ഭാഗമായ 'ബിലാലി'നു മുന്പ് മറ്റൊരു ചിത്രം ഒരുങ്ങുന്നതായി നേരത്തെ സൂചനകളുണ്ടായിരുന്നെങ്കിലും അതില് ഔദ്യോഗിക പ്രതികരണങ്ങളൊന്നും ഉണ്ടായിരുന്നില്ല.
എന്നാല് ഇപ്പോഴാണ് ഇതില് ഔദ്യോഗിക പ്രഖ്യാപനമുണ്ടായിരിക്കുന്നത്.
14 വര്ഷത്തിനു ശേഷമാണ് മമ്മൂട്ടിയും അമല് നീരദും വീണ്ടും ഒരുമിക്കുന്നത്.
ലോക്ക് ഡൗണ് കാലത്തെ താടിയും മുടിയും നീട്ടിയ മമ്മൂട്ടിയുടെ ലുക്ക് പലകുറി സോഷ്യല് മീഡിയയില് തരംഗം സൃഷ്ടിച്ചിരുന്നു. അത് ഈ ചിത്രത്തിലെ കഥാപാത്രത്തിന്റെ ഗെറ്റപ്പിനുവേണ്ടിയായിരുന്നു.
ഫസ്റ്റ് ലുക്ക് പോസ്റ്ററില് ബ്ലാക്ക് ഫുള് സ്ലീവ് ഷര്ട്ടും കളര് മുണ്ടും ധരിച്ച് ഇരിക്കുന്ന മമ്മൂട്ടിയുടെ ചിത്രമാണ് ഉള്ളത്.
രവിശങ്കര്, ദേവദത്ത് ഷാജി, ആര് ജെ മുരുകന് എന്നിവര് ചേര്ന്നാണ് തിരക്കഥ.
ഷൈന് ടോം ചാക്കോ, സൗബിന് ഷാഹിര്, ശ്രീനാഥ് ഭാസി, അബു സലിം തുടങ്ങിയവര് ചിത്രത്തില് മറ്റ് പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
കൊച്ചിയാവും പ്രധാന ലൊക്കേഷന്.