സി എന് എ-
കൊച്ചി:
അമല് നീരദ് സംവിധാനം ചെയ്യുന്ന മമ്മുട്ടി ചിത്രം 'ഭീഷ്മ പര്വ്വ'ത്തിന്റെ ഷൂട്ടിംഗ് ഫെബ്രുവരി 21 ന് എറണാകുളത്ത് എഴുപുന്നയില് ആരംഭിക്കും. 22 ന് ആയിരിക്കും മമ്മൂട്ടി ജോയിന് ചെയ്യുക.
അമല് നീരദ് പ്രൊഡക്ഷന്സിന്റെ ബാനറില് അമല് നീരദ് തന്നെയാണ് 'ഭീഷ്മ പര്വ്വം' നിര്മ്മിക്കുന്നത്. മമ്മൂട്ടിയോടൊപ്പം ഒരുപിടി അഭിനേതാക്കള് ചിത്രത്തില് അണിനിരക്കും.
ഫെബ്രുവരി ഏഴിനു ഷൂട്ടിംഗ് തുടങ്ങാനാണ് നേരത്തെ പ്ലാന് ചെയ്തിരുന്നതെങ്കിലും 21ലേക്ക് മാറുകയായിരുന്നു. കോവിഡ് ലോക്കഡൗണിന് ശേഷം മമ്മൂട്ടി നായകനായി അഭിനയിക്കുന്ന ആദ്യ ചിത്രവും കൂടിയാണ് 'ഭീഷ്മ പര്വ്വം'.