സി എന് എ-
കൊച്ചി:
ഇ.പി. ഇന്റര്നാഷണലിന്റെ ബാനറില് പ്രശസ്ത ഛായാഗ്രഹകന് രവി കെ. ചന്ദ്രന് സംവിധാനം ചെയ്യുന്ന 'ഭ്രമം' എന്ന സിനിമയുടെ ചിത്രീകരണം ആരംഭിച്ചു.
പൃഥ്വിരാജ്, ഉണ്ണി മുകുന്ദന്, മംമ്ത മോഹന്ദാസ് എന്നിവര് പ്രധാന കഥാപാത്രങ്ങളാകുന്ന സിനിമയുടെ ചിത്രീകരണം ഇന്നു രാവിലെ ഫോര്ട്ടുകൊച്ചിയിലാണ് ആരംഭിച്ചത്.
ശ്രീറാം രാഘവന് സംവിധാനം ചെയ്ത് ബോളിവുഡില് സൂപ്പര് ഹിറ്റ് വിജയം നേടിയ ക്ലാസിക് ചിത്രം 'അന്ധാദുന്' മലയാളത്തിലേക്ക് റീമേക്ക് ചെയ്യുകയാണ് പ്രശസ്ത ഛായാഗ്രാഹകനായ രവി കെ ചന്ദ്രന്.
ചിത്രത്തില് ശങ്കര്, ജഗദീഷ്, സുധീര് കരമന, രാശി ഖന്ന, സുരഭി ലക്ഷ്മി, അനന്യ എന്നിവരാണ് മറ്റ് പ്രധാന അഭിനേതാക്കള്.
എഡിറ്റിംഗ്- ശ്രീകര് പ്രസാദ്, സംഗീത സംവിധാനം ജാക്സ് ബിജോയ്, അസ്സോസിയേറ്റ് ഡയറക്ടര്- ജിത്തു അഷ്റഫ്, സൂപ്പര്വൈസിങ് പ്രൊഡ്യൂസര്- അശ്വതി നടുത്തൊടി, ലൈന് പ്രൊഡ്യൂസര്- ബാദുഷ എന് എം, പ്രൊഡക്ഷന് കണ്ട്രോളര്- ജിനു പി കെ, സ്റ്റീല്സ്- ബിജിത് ധര്മടം, മേക്കപ്പ്- റണ്സ് സേവിയര്, എക്സിക്യൂട്ടീവ് പ്രൊഡ്യൂസര്- ഓപ്പണ് ബുക്ക് പ്രൊഡക്ഷന്, ടൈറ്റില് ഡിസൈന്- ആനന്ദ് രാജേന്ദ്രന്.