സി എന്‍ എ-
തിരു:
സിനിമാ രംഗത്തെ പ്രതിസന്ധി ചര്‍ച്ച ചെയ്യണമെന്ന് ആവശ്യപ്പെട്ട് ചലച്ചിത്ര രംഗത്തെ വിവിധ സംഘടനകള്‍ മുഖ്യമന്ത്രിക്ക് നിവേദനം നല്‍കിയിരുന്നു. എട്ടുമാസമായി അടഞ്ഞുകിടക്കുന്ന തീയേറ്ററുകള്‍ക്ക് പ്രത്യേക സാമ്പത്തിക പാക്കേജ് പ്രഖ്യാപിക്കുക, വിനോദനികുതി കുറച്ചുകാലത്തേക്കെങ്കിലും ഒഴിവാക്കുക, തീയേറ്ററുകള്‍ അടച്ചിട്ട കാലത്തെ വൈദ്യുതി ചാര്‍ജ് ഒഴിവാക്കുക തുടങ്ങിയ കാര്യങ്ങളും സിനിമാ തീയേറ്ററുകള്‍ എന്നു തുറക്കാം എങ്ങനെ തുറക്കണം എന്നതിനെ കുറിച്ചുമെല്ലാം വിശദമായി ചര്‍ച്ച ചെയ്യുമെന്നാണ് അറിയുന്നത്. മുഖ്യ മന്ത്രി സിനിമാ സംഘടനാ പ്രതിനിധികളുമായി നവംബര്‍ 19ന് ഓണ്‍ലൈനിലാണ് ചര്‍ച്ച നടത്തുന്നത്. തീയേറ്ററുകള്‍ തുറക്കുന്നതുമായി ബന്ധപ്പെട്ട് കേന്ദ്ര ഗവണ്‍മെന്റ് നല്‍കിയ മാര്‍ഗ നിര്‍ദേശങ്ങള്‍ അനുസരിച്ച് വിവിധ സംസ്ഥാനങ്ങളില്‍ സിനിമ തീയേറ്ററുകള്‍ തുറന്നു പ്രവര്‍ത്തനം ആരംഭിക്കുകയുണ്ടായി. കേരളത്തിലും സിനിമാ തീയേറ്ററുകള്‍ താമസിയാതെ തുറന്നു പ്രവര്‍ത്തനം ആരംഭിക്കാനുള്ള ഉചിതമായ നടപടികള്‍ ചര്‍ച്ചയില്‍ രൂപപ്പെടുമെന്ന് പ്രതീക്ഷിക്കാം. സിനിമയോടും സിനിമ പ്രവര്‍ത്തകരോടും താല്‍പര്യമുള്ള മുഖ്യമന്ത്രിയാണ് കേരളം ഭരിക്കുന്നത്. അതുകൊണ്ടുതന്നെ പ്രതീക്ഷക്ക് വകയുണ്ട്.
