സി എന് എ
കൊച്ചി:
സമകാലിക പ്രസക്തിയുള്ള കഥയുമായാണ് ടെന്നി ജോസഫ് തന്റെ രണ്ടാമത്തെ ഷോര്ട്ട് ഫിലിം 'ചാരം' ഒരുക്കിയിരിക്കുന്നത്.
'സ്റ്റെഫി' എന്ന ഷോര്ട്ട് ഫിലിമിനു ശേഷം കോവിഡ് പശ്ചാത്തലത്തില് തന്നെയാണ് സംവിധായകന് ചാരത്തിന്റെ കഥ പറയുന്നത്.
'സ്റ്റെഫി'യില് സമൂഹത്തിന് വേണ്ടി തുനിഞ്ഞ് ഇറങ്ങുന്ന നഴ്സിന്റെ കഥ പറഞ്ഞെങ്കില്, ഇത്തവണ സാധാരണക്കാരനായ ഓട്ടോക്കാരന് ജോസഫിന്റെ കഥയാണ് ടെന്നി ചാരത്തിലുടെ പറയുന്നത്.
ദുരിതമനുഭവിക്കുന്നവര്ക്ക് ഒരു കൈത്താങ്ങായി നില്ക്കുന്നവരുടെ ജീവിതത്തിന്റെ ഒരു തുറന്ന പുസ്തകമാണ് ജോസഫ്. സ്വന്തം ജീവനേയും താങ്ങായ് നില്ക്കുന്നവരുടെ അവസ്ഥയേയും ഓര്ക്കാതെ ആരുമില്ലാത്തവര്ക്ക് സഹായഹസ്തവുമായ ഒരു നല്ല മനസ്സിന്റെ ഉടമ. ഒടുവില് ഒറ്റയ്ക്കാകുമെന്ന തോന്നല്, കുടുംബത്തേയും സഹപ്രവര്ത്തരെയും ബുദ്ധിമുട്ടിക്കാതെയുള്ള അദ്ദേഹത്തിന്റെ ജീവിതത്തില് നിന്നുള്ള ഒളിച്ചോട്ടം.
കോവിഡ് രോഗികളെ തന്നെ കൊണ്ട് ആകുന്ന രീതിയില് സേവിക്കാന് ഇറങ്ങുന്ന ജോസഫിന് വീട്ടില് നിന്നും കൂട്ടുകാരില് നിന്നും ഏല്ക്കുന്ന ക്ഷതങ്ങളാണ് സംവിധായകന് ടെന്നി ജോസഫ് 'ചാരം' എന്ന ചിത്രത്തിലൂടെ തുറന്നു കാണിക്കുന്നത്.
ഈ ചിത്രത്തിലൂടെ 'വാക്കുകള്ക്ക് വാളുകളേക്കാള് മൂര്ഛയുണ്ട്' എന്ന മറ്റൊരു സന്ദേശവും കൂടി സമൂഹത്തിന് നല്കുന്ന ഒന്നാണ്.
ഐഡാ എച്ച്. സി. പ്രൊഡക്ഷന്സിന്റെ ബാനറില് അരുണ് എസ്സ്. ചന്ദ്രന് ആണ് 'ചാരം' നിര്മ്മിച്ചിരിക്കുന്നത്.
ജോസഫ് പ്രദീപ് പനങ്ങാട്, കൊച്ചു ട്രീസ വത്സ രവി, റോണി റോക്കി ജോബല്, റോയി ആഷ്ലി ഏരൂര്, റീന ആന് മരിയ തുടങ്ങിയവരാണ് അഭിനേതാക്കള്.
രചന, സംവിധാനം- ടെന്നി ജോസഫ്, നിര്മ്മാണം- അരുണ് സി ചന്ദ്രന്, ഛായാഗ്രഹണം- നിതിന് മൈക്കിള്, എഡിറ്റര്- ടിനു കെ തോമസ്, സംഗീതം- ടാന്സന് ബേര്ണി, പ്രൊഡക്ഷന് ഡിസൈനര്- ശ്യാം, വസ്ത്രാലങ്കാരം- ടെറിന് ടെന്നി, മേക്കപ്പ്- സുരേഷ് ചെമ്മാട്, പ്രൊഡക്ഷന് കണ്ട്രോളര്- ലൈജു ജോര്ജ്, പ്രൊജക്റ്റ് മാനേജര്- ജയേഷ് പള്ളുരുത്തി, അസ്സോസിയേറ്റ് ഡയറക്ടര്- ജിഷ രാജന്, പോസ്റ്റര് ഡിസൈന്- ഷെറിന്.
Online PR - CNA.