എംഎം കമ്മത്ത്
കൊച്ചി:
മഞ്ജു വാരിയര് പ്രൊഡക്ഷന്റെയും ജിസ് ടോംസ് മൂവീസിന്റെയും ബാനറില് പുറത്തിറങ്ങുന്ന മലയാള സിനിമ ചരിത്രത്തിലെ ആദ്യ ടെക്നോ ഹൊറര് ചിത്രം ഉടനെത്തും.
മഞ്ജു വാര്യറും സണ്ണി വെയ്നും കേന്ദ്രകഥാപാത്രങ്ങളാുന്ന ചിത്രം ഭയത്തിന്റെ പുതിയ മുഖവുമായാണ് എത്തുന്നത്. 'ചതുര്മുഖം' സംവിധാനം ചെയ്തിരിക്കുന്നത് രഞ്ജിത്ത് കമല ശങ്കറും, സലില് വിയും ചേര്ന്നാണ്.
ഫിക്ഷന് ഹൊററിന്റെ ഒരു മറ്റെരു വിഭാഗമാണ് ടെക്നോ ഹൊറര്. ഭയത്തിന്റെ മുഖ്യകാരണം ടെക്നോളജിആയി അവതരിപ്പിക്കപ്പെടുന്ന സിനിമകളാണ് ഈ ജോണറില് വരുന്ന ചിത്രങ്ങള്.
അഞ്ചര കോടിയോളം രൂപ മുതല്മുടക്കിയാണ് ചിത്രത്തിന്റെ വിഷ്വല് ഗ്രാഫിക്സും സൗണ്ട് ഡിസൈനിംഗും ചെയ്തിരിക്കുന്നത്. സിനിമയുടെ പ്രധാന ഹൈലൈറ്റ് തന്നെ ഇത് വരെ കാണാത്ത മഞ്ജു വാര്യരുടെ ആക്ഷന് സീക്വന്സുകളാണ്.
ടെക്നോ ഹൊറര് വിഭാഗത്തില് വരുന്ന ചലച്ചിത്രത്തിന്റെ ക്യാമറ ചെയ്തിരിക്കന്നത് 'ആമേന്', '9', 'കുരുതി' എന്നീ ചിത്രങ്ങളുടെ ഛായാഗ്രാഹകന് ആയ അഭിനന്ദന് രാമാനുജം ആണ്. തെന്നിന്ത്യന് സിനിമയിലും ബോളിവുഡിലും സജീവമാണ് അഭിനന്ദന്. എഡിറ്റര് മനോജ് 'ആമേന്', 'ആക്ഷന് ഹീറോ ബിജു' എന്നിങ്ങനെ നിരവധി ചിത്രങ്ങളുടെ ഭാഗമായിട്ടുണ്ട്. 'പിസ', 'സി യു സൂണ്', 'സൂരരായി പോട്ര്', 'മാലിക്' എീന്ന ചിത്രങ്ങളുടെ സൗണ്ട് ഡിസൈനറായ വിഷ്ണു ഗോവിന്ദാണ് ചിത്രത്തിന്റെ സൗണ്ട് ഡിസൈന്.
ചിത്രത്തിന്റെ നിര്മ്മാണം മഞ്ജു വാരിയര് പ്രൊഡക്ഷന്സും, ജിസ് ടോംസ് മൂവിയുടെ ബാനറില് ജിസ് ടോംസ്, ജസ്റ്റിന് തോമസും ആണ്. അഭയകുമാര് കെ, അനില് കുര്യന് എന്നിവരാണ് ഏറെ പ്രത്യേകതകള് ഉള്ള സിനിമയുടെ കഥ, തിരക്കഥ, സംഭാഷണം എന്നിവ രചിച്ചിരിക്കുന്നത്. കഥയിലും അവതരണ മികവിലും വളരെ സങ്കീര്ണ്ണതകളും, കൗതുകവും നിറഞ്ഞ ഒരു ആശയം കൈകാര്യം ചെയ്യുന്ന ചതുര് മുഖം മലയാള സിനിമയിലെ ആദ്യത്തെ ടെക്നോഹൊറര് ചലച്ചിത്രം ആയിരിക്കും. മഞ്ജു വാരിയര്, സണ്ണി വെയിന് എന്നിവരെ കൂടാതെ, അലന്സിയര്, നിരഞ്ജന അനൂപ്, ശ്യാമപ്രസാദ്, ശ്രീകാന്ത് മുരളി, കലാഭവന് പ്രജോദ് എന്നിവരും കൂടാതെ അഭിനയ പാടവം ഉള്ള ശക്തമായ ഒരു വന് താരനിര ചതുര് മുഖത്തില് ഉള്പ്പെടുന്നു. മലയാള സിനിമയില് വരാന് പോകുന്ന ആദ്യ ടെക്നോഹൊറര് ആയതു കൊണ്ട് തന്നെ അസാധാരണ തിയ്യറ്റര് എക്സ്പീരിയന്സ് പ്രേക്ഷകര്ക്ക് ചിത്രത്തിന്നു നല്കാന് സാധിക്കും എന്ന് തീര്ച്ച.
എക്സിക്യൂട്ടീവ് പ്രൊഡ്യൂസറായ ബിനീഷ് ചന്ദ്രനോടൊപ്പം കോപ്രൊഡ്യൂസറായി ബിജു ജോര്ജ്ജും ചതുര് മുഖത്തില് പ്രവര്ത്തിക്കുന്നു. ഗാനരചയിതാവ് മനു മഞ്ജിത്ത്, സംഗീത സംവിധാനവും, സൗണ്ടും കൈകാര്യം ചെയ്തിരിക്കുന്നത് ഡോണ് വിന്സെന്റാണ്, വസ്ത്രാലങ്കാരം- സമീറ സനീഷ്. സന്ജോയ് അഗസ്റ്റിന്, ബിബിന് ജോര്ജ്, ലിജോ പണിക്കര്, ആന്റണി കുഴിവേലില് എന്നിവരാണ് ചതുര്മുഖം കോ പ്രൊഡ്യൂസ് ചെയ്തിരിക്കുന്നത്. ജിത്തു അഷ്റഫ് ക്രിയേറ്റീവ് ഹെഡ് ആയ ചിത്രത്തില് ബിനു ജി നായരും ടോം വര്ഗീസുമാണ് ലൈന് പ്രൊഡ്യൂസഴ്സ്.
മേക്കപ്പ്- രാജേഷ് നെന്മാറ, കല- നിമേഷ് എം താനൂര്, ചിഫ് അസോസിയേറ്റ് ഡയറക്ടര്- ശ്യാമന്തക് പ്രദീപ്, ഡിസൈന്സ്- ദിലീപ് ദാസ്. സെഞ്ച്വറി ഫിലിംസ് 'ചതുര്മുഖം' തിയ്യേറ്ററിലെത്തിക്കും. വാര്ത്ത പ്രചരണം- എ എസ് ദിനേശ്.
Online PR - CNA.