സി എന് എ-
കുറ്റിപ്പുറം:
നടന് ചെമ്പന് വിനോദ് ജോസിന്റെ തിരക്കഥയില് കുഞ്ചാക്കോ ബോബന് കേന്ദ്ര കഥാപാത്രത്തെ അവതരിപ്പിക്കുന്ന സിനിമയുടെ ചിത്രീകരണം കുറ്റിപ്പുറത്തു ആരംഭിച്ചു.
ഇന്ന് രാവിലെ ആയിരുന്നു സ്വിച്ചോണ്. കുറ്റിപ്പുറത്തും പരിസരപ്രദേശങ്ങളിലുമായി ചിത്രീകരിക്കുന്ന സിനിമയുടെ നിര്മ്മാതാവും ചെമ്പന് വിനോദാണ്. ഒപ്പം നടി റീമാ കല്ലിങ്കലും സംവിധായകന് ആഷിക് അബുവും പങ്കുചേരുന്നു. ചെമ്പോസ്കി മോഷന് പിക്ചേഴ്സും ഒ പി എം സിനിമാസിന്റെയും സംയുക്ത സംരംഭമായ ചിത്രത്തില് കുഞ്ചാക്കോ
ബോബനെ കൂടാതെ ചെമ്പന് വിനോദും പ്രധാന കഥാപാത്രത്തെ അവതരിപ്പിക്കുന്നുണ്ട്.
കുഞ്ചാക്കോ ബോബനും ചെമ്പന് വിനോദും ഒരുമിച്ച് എത്തുന്ന പ്രഥമ ചിത്രവും കൂടിയാണിത്. അഷ്റഫ് ഹംസ സംവിധാനം ചെയ്യുന്ന സിനിമയുടെ ഛായാഗ്രഹണം ഗിരീഷ് ഗംഗാധരന് നിര്വഹിക്കുന്നു. ജോളിയാണ് പ്രൊഡക്ഷന് കണ്ട്രോളര്.